Maria Kristina Austriakoa

Wikipedia(e)tik
Hona jo: nabigazioa, Bilatu
Maria Kristina Austriakoa
Maria Kristina Austriakoa
Datu pertsonalak
Izen osoa Maria Christina Désirée Henriette Felicitas Rainiera von Habsburg-Lothringen
Ezizena 'Doña Virtudes'
Jaio 1858ko uztailaren 21a
Gross-Seelowitz (Txantiloi:Moravia)
Hil 1929ko otsailaren 6a
Madril (Espainia)

Maria Kristina Austriakoa, baita ere Maria Kristina Habsburgo-Lorenakoa, alemanez Maria Christina Désirée Henriette Felicitas Rainiera von Habsburg-Lothringen, ezizenez Doña Virtudes, (Gross-Seelowitz, Moravia, 1858ko uztailaren 21aMadril, Espainia, 1929ko otsailaren 6a) Espainiako erregina erregeordea izan zen, Alfontso XII.a Espainiakoaren emaztea. Jaiotzez, Austriako artxidukesa eta Hungaria, Bohemia, Eslavonia, Kroazia eta Dalmaziako printzesa zen.

Biografia[aldatu | aldatu iturburu kodea]

Maria Kristina eta bere senarra, Alfontso XIII.a Espainiakoa
Maria Kristina 1876ko konstituzioa sinatzen, bere senarra hil eta gero
Maria Kristinari zubian eginiko harrera 1905ean

Maria Kristina Gross-Seelowitzen jaio zen, Moravian, 1858ko uztailaren 21ean. Gurasoak Karlos Fernando artxidukea eta Isabel Frantziska Austriakoa artxidukeak izan ziren.

1879ko azaroaren 29an, Maria Kristina Alfontso XII.a Espainiakoarekin ezkondu zen Madrilen, Atochako basilikan. Eskonkideak tarterikoak ziren, Karlos III.a Espainiakoa Maria Kristinaren birraitona baitzen eta, Leopoldo II.a Austriakoa ere bai.

Alfontso alargun geratu zen Maria de las Merzedes Orleanskoa 1878ko ekainean hil zitzaionean (Urte bereko urtarrilean ezkonduta zeuden) eta Maria Kristina izan zen erregearen bigarren emaztea. Alfontso irekia eta zalapartatsua agertzen bazen, Maria Kristina lasaia eta lotsatia zen eta zuten harreman esturik lortu. Lehen emaztea hil zitzaionez gero, Alfontso lorez-lore zebilen emazte gazteak ez zuen egoera samurra izan lehen unean, baina badirudi, gerora, nolabaiteko gertutasuna lortu zutela biek.

Erregeordetza[aldatu | aldatu iturburu kodea]

Sakontzeko, irakurri: «Maria Kristinaren erregeordetza»

Dena den, Maria Kristinari senarra goiz hilko zitzaion, 1885eko azaroan, bera oinordekoaz haurdun zegoenean, eta Espainiako tronuaren erreginaorde bihurtu zen. Alfontso XIII.a jaio eta adinez nagusi izan arte (1885-1902), bera izan beharko zuen erreginaorde Errestaurazioko Espainian. Garai hori izango zen Espainia potentzia kolonial izateari utziko ziona. Errestaurazioa sendotzeko asmoz, Canovasek eta Sagastak Pardoko ituna sinatuko zuten txandakako sistema ezarriz. Alfontso XIII.a izango zen etorkizunerako itxaropena eta politikan esperientziarik gabeko erreginak bihotzeko lagun izango zuen Sagastaren aholkuei jarraituko zien zuzen-zuzen.

Erreginaorde izan zen urteetan, Marokoko auzia larritzen joan zen eta gizarte gatazkak ere bai. Nazionalismo periferikoaren gorakada izan zen eta, 1898an, Ameriketako azken koloniak galdu ziren. Canovas eta Sagasta hil zirenean, Txandakako sistema behera etorri zen eta krisi larriak izan ziren, bai ekonomian eta baita politika edo gizartean.

Semea errege egiteko desioa 1902an bete zitzaion, Alfontso XIII.a adinez nagusi egin zenean eta Espainiako errege egin zutenean. Hortik aurrera, Maria Kristinak gozo-gozo jarraitu zuen erretiroan eta, 1906an, semea Victoria Eugenia Battenbergekoarekin ezkondu zenan, Ama Erregina titulua erabili zuen.

Hondartza zale, 1887an, Donostiako Kasinoa inauguratu zuen eta, 1888an, Miramar Jauregia eraikitzeko agindua eman zuen. Bere ohorez daramate izena Maria Cristina hotelak edo Maria Kristina zubiak Donostian eta, 1926an, ohorezko alkate izendatu zuten Donostian.

1929ko otsailaren 6an, Madrilgo Errege Jauregian hil zen eta El Escorial monasterioan lurperatu zuten.

Ikus, gainera[aldatu | aldatu iturburu kodea]

Commons-logo.svg
Commonsen fitxategi gehiago dago honi buruz:
Maria Kristina Austriakoa