Marco Girolamo Vida
Marko Girolamo Vida (Cremona, Italia, 1485 - Alba, Piamonte, Italia, 1566ko irailaren 27a) prelatua eta humanista izan zen. Albako apezpikua izan zen. Trentoko Kontzilioan esku hartu zuen, eta Constitutiones synodales erlijio-lana idatzi zuen, Kontrarreformaren printzipioak azaltzen zituena. Leon X.ak eskatuta, Kristoren bizitzari buruzko poesia-bilduma bat idatzi zuen (1527, La Christiade). Kintiliano, Zizeron eta Horazioren ereduei jarraituz, De Arte poetica (1527, Poesiaren artea) poesia-bilduma ere idatzi zuen, eta arrakasta handia izan zuen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Bibliografia
- Marcus Hieronymus Vida, Poeticorum libri tres, ed. Agnieszka Paulina Lew, serie XV, vol. 99, Klassische Sprachen und Literaturen, Peter Lang Verlag, Frankfurt am Main 2011, ISBN: 9783631580820