Martin Minvielle
| Datu pertsonalak | ||
|---|---|---|
| Izen osoa | Martin Minvielle Lartigau | |
| Jaio | 1886 | |
Labetze ( Nafarroa Beherea)
| ||
| Hil | 1948 | |
| Labetze ( Nafarroa Beherea)
| ||
Martin Minvielle Lartigau[1] (Labetze, Nafarroa Beherea, 1886 - 1948) euskal medikua izan zen; garai horretan zientzia-dibulgazioaz euskaraz idatzi zuen bakanetakoa izan zen.
Biografia
Labetze Xulian jaio zen. Ikasketak egitera Parisera joan zen; mediku bihurtu eta bertan ezkondu zen. Hala ere ez zituen inoiz ama-hizkuntza eta Euskal Herriarekiko lotura galdu.
Bere bizitzaren azken fasea Amikuzen eman zuen; hor osasungintzan eta gazteak heziz jardun zuen. Gau-eskolak ematen zizkien herriko mutilei eta aldi berean neskentzako ikastegi berri bat zabaldu zuen Donapaleun, "d'Arthez etxea"[2] izenekoan. Hitzaldiak ematen ere ibili zen.
1948an Labetzen bertan hil zen.
Lanak
- Haur tipien altxatzeaz edo Haurren arthatzeaz[3] liburuxka, Baiona, 1939; emakumeei emandako hitzaldietan oinarrituta; Petit traité de puériculture izenpean frantsesez ere aterata[4].
- Une race en danger. L'alcoholisme en Pays-Basque, 1941; hau ere hitzaldietatik abiatuta[5][6].
- Artikuluak idatzi zituen Herria aldizkariko Osagarriaz atalean, Ipar Euskal Herriko garai horretako beste zenbait medikuk bezala.
- Bulletin du Musée Basque delakoan (1925-1935) 13 artikulu idatzi zituen.[7]
- Aintzina aldizkarian ere idatzi zuen (1942-1943)[8].
Iturri nagusia
- Medikuak Euskal Literaturan, Piarres Xarriton, Mendebalde Kultura Alkartea, 2008.
Erreferentziak
- ↑ Bearnoren auzo-herri euskaldunetan ugariak dira jatorri gaskoia duten deiturak, Minvielle eta Lartigau bezala. Okzitaniera arautuan Minvièla eta Lartigau dira; iturria: Miquèu Grosclaude, Dictionnaire étymologique des noms de famille gascons, Ràdio País, Paue, 1992.
- ↑ L’enseignement agricole, Jean Fourcade.
- ↑ Hala aipatua Jean Baptiste Althaberen Ziberuko bothanika edo lantharen jakitatea lanean; ikus 110. oharra.
- ↑ Liburua Amazonen.
- ↑ Minvielle Euskomedian.
- ↑ Lantxo honen berri, IKER zentroko katalogoan.
- ↑ Piarres Lafitteren ekintzabideak (1920-1944) kultura jasoko euskaltzaleen sarearen baitan, Amelia Hernández, Iker-20, Euskaltzaindia, 2007; ikus 392.or.
- ↑ Op.cit. 266.or.