Maurice Merleau-Ponty
Maurice Merleau-Ponty (Rochefort-sur-Mer, Frantzia, 1908ko martxoaren 14a - Paris, Frantzia, 1961eko maiatzaren 3a) frantses filosofoa izan zen.
Biografia
Edmund Husserlen eraginpean, fenomenologiaren jarraitzailea izan zen, baina, fenomenologista gehienek ez bezala, kontzientzia baino harantzagoko mundu baten errealitate materiala baiesten zuen.
1940-1950 urteetan Karl Marxen materialismo historikoaren bidetik abiatu zen, baina geroago, hizkuntzaren eta esanahiaren azterketaz arduratu zen batez ere.
Lan aipagarrienak: La structure du comportement (1942, Jokabidearen egitura) eta Phénoménologie de la perception (1945, Pertzeptzioaren fenomenologia).
Erreferentziak
Wikimedia Commonsen badira fitxategi gehiago, gai hau dutenak: Maurice Merleau-Ponty |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.