Mengako trikuharria

Mengako trikuharria
	Dolmen de Menga
	Kultura ondasuna
	Antequerako trikuharrien parajea
	Trikuharriaren barnealdea; Irudi gehiago
Kokapena
Estatu burujabe	Espainia
Autonomia	Andaluzia
Probintzia	Málagako probintzia
Hiria	Antequera
Koordenatuak	37°01′26″N 4°32′54″W / 37.02402°N 4.54846°W
Ondarea
BIC	RI-51-0000253

Mengako trikuharria (gaztelaniaz: Dolmen de Menga) monumentu megalitiko erraldoia da, Andaluziako Antequera udalerrian. Galeria estalia eta oinplano angeluzuzena dituen trikuharria da. Hilobiko ganberaren alboan zazpi ortostato (horma osatzen duten harriak) daude eta beste bat hondoan. Bost bizkar-teilak (sabaia osatzen duten harriak) estaltzen dute monumentua. Tumulu batek babesturik dago.

Europa osoko trikuharri multzorik handiena da, baita Stonehenge baino handiagoa ere. 25 metro luze da, 5 metro zabal eta 4 metroko altuera du. Litekeena da Kobre Aroan eraikia izatea, k. a. 2500 inguruan.

Vierako trikuharria gertu (70 metrora) du^[1] eta baita El Romeralgo trikuharria (4 kilometrora) ere.^[2]

Egitura[aldatu | aldatu iturburu kodea]

Korridore-hilobia da, estalitako galeriako trikuharriaren tradizio atlantikoaren araberakoa. Harri bertikal (ortostato) eta horizontal (estalpea) handiez eginda dago. Oinplanoan, atari bat, korridore bat eta 6 metroko zabalera eta 3,5 metroko altuera duen hileta-ganbera handi bat bereizten dira. Erraldoiak dira, kontuan hartuta multzoaren luzera, guztira, 27,5 metrokoa dela, hondoko ganberak 3,5 metroko altuera eta 6 metroko zabalera duela: horrek esan nahi du azken aterpea ehun eta laurogei tona inguruko pisura iristen dela eta tarteko pilareak daudela, Europako megalitismoan oso arraroa den eraikuntza-baliabidea. Europan erreferenterik aurkitzen ez duen beste berezitasun bat kameraren hondoan putzu sakon eta estu bat egotea da. Korridorearen lehen ortostatoan gurutze eta izar formako grabatu antropomorfoak daude. Trikuharriaren egitura 50 metroko diametroa duen tumulu batek estaltzen du, Vierako trikuharriak bezala.