Menna Elfyn

Menna Elfyn
Bizitza
Jaiotza	1951ko urtarrilaren 1a (73 urte)
Herrialdea	Gales
Familia
Seme-alabak	ikusi Fflur Dafydd;
Hezkuntza
Hizkuntzak	galesa; ingelesa
Jarduerak
Jarduerak	poeta, idazlea, antzerkigilea eta unibertsitateko irakaslea
Enplegatzailea(k)	University of Wales Trinity Saint David
Jasotako sariak	ikusi Fellow of the Royal Society of Literature ; Fellow of the Learned Society of Wales (2018) ;
Kidetza	Errege Literatura Elkartea; Gorsedd Cymru (en) ; Learned Society of Wales (en)
	mennaelfyn.co.uk

Menna Elfyn (Swansea, 1951-) galeserazko idazlea da, antzerkia, zutabegintza eta batez ere poesia hizkuntza hartan egiten duen gaur egungo ezagunena. Egun, Trinity University-ko Sormenezko Idazketako Masterreko irakaslea eta Swanseako Unibertsitateko partaidea da.^[1]

Menna Elfyn kymruera (galesera) mintzatzen zuen familia batean jaio zen, Kymru Herriko meatze-haran batean. Ingelesa eskolan ikasi zuen. Aita eliza protestanteko artzaina zen, eta Mennak haren liburutegian topatutako Biblia eta bereziki Salmoen eragina eduki zuen.^[1]

Murmurioa[aldatu | aldatu iturburu kodea]

2016ko udazkenean Maiatz argitaletxeak haren Murmurioa poema liburuaren kymruera - euskara edizio elebiduna argitaratu zuen Cyfnewidfa Lên Cymru - Wales Literature Exchange erakundeak diruz lagunduta.

Hau da olerkari kymruarraren lanetarik bat euskaratzen den lehen aldia. Eli Tolaretxipik eta Arantza Fernandezek itzulitako poemen artean, erreferentzia historikoak dituzten hainbat poema daude. Dwrs yn Epynt (Epynteko atea) poema 1940ko gerra gertakari bati buruz mintzo da: Gerrako Departamentuak Epynt inguruak jendez hustea erabaki zuen bertan britainiar armadak artilleria ariketak egin zitzan, gaur egun oraindik saminez gogoratzen den gertaera bat ^[1]. Bestalde, Catrin Glyndŵr poema sortak izen bereko galestar printzesa bahitua gogoratzen dute. Erdi Aroan, Kymru eta Ingalaterraren arteko borroken ondorioz, ingelesek Catrin Owen Glyndŵr (Galesko Printze titulua ukan zuen azken kymrutarraren alaba) bahitu zuten haren hiru seme-alabekin batera, eta Londresko Dorrean preso eduki 1413an hil zen arte. ^[1]

Menna Elfyn-ek beste olerkari batzuk ere omentzen ditu bere poemetan, besteak beste, Lynette Roberts eta Waldo Williams.