Mexiko Hiria

Mexiko Hiria; Ciudad de México
	federative entity of Mexico (en)
	Irudi gehiago
Administrazioa
Herrialdea	Mexiko
Probintzia	Mexiko Hiria
Alkatea	Marcelo Ebrard
Izen ofiziala	Ciudad de México
Jatorrizko izena	Ciudad de México
Posta kodea	01000–16999
Geografia
Koordenatuak	19°25′10″N 99°08′44″W / 19.4194°N 99.1456°W
Azalera	1.495 km²
Altuera	2.240
Mugakideak	Morelos eta Mexikoko estatua
Demografia
Biztanleria	9.209.944 (2020); 291.291 (2016)
Metropolia	19,704,125
Dentsitatea	5.920,45 bizt/km²
Informazio gehigarria
Sorrera	1325
Telefono aurrizkia	55
Ordu eremua	UTC−06:00
Hiri senidetuak	Andorra la Vella, Atenas, Arequipa, Pekin, Beirut, Berlin, Bogota, Buenos Aires, San Juan, Kairo, Caracas, Chicago, Ciudad Juárez, Cusco, Doha, Dolores Hidalgo udalerria, Guatemalako Hiria, Istanbul, Jakarta, Kaliningrad, Kiev, Kuwait, La Paz, Lima, Lisboa, Los Angeles, Madril, Manila, Montevideo, Nagoia, Nikosia, Panama Hiria, Ranchi (en) , Rio de Janeiro, Santiago, São Paulo, San Salvador, Seul, Stockholm, Stuttgart, Sydney, Tel Aviv, Toronto, Niardo, Houston, Habana, Maracaibo, Santo Domingo, Guadalajara, Monterrey, Cádiz, Rosario, Murom, Samarkanda, Guanajuato, New York, Rosario, Paris eta Londres
	http://www.df.gob.mx/

Mexiko Hiria^[1] (gaztelaniaz: Ciudad de México sjuˈðad de ˈmexiko ahoskatua) edo Mexiko Barruti Federala (gaztelaniaz: Ciudad de México, Distrito Federal edo México, D.F.) Mexikoko hiriburua da, eta munduko hiri handiena azalera kontutan hartuta eta hirugarren metropolirik handiena biztanleria kontutan hartuta, Tokio eta New York-Newarken atzetik.

Munduko hiri garrantzitsuenetako bat da, ez bakarrik Mexikoko BPG-aren erdia duelako, baizik eta erakunde moduan, munduko ekonomiako 23. postuan izango zelako. Mexikoko hiriburua eta hiri populatuena da. Erdialdeko goi ordokian dago kokatua, jatorriz aintzira zena. Bere inguru metropolitanoa, barruti federala eta Mexikoko estatuan sakabanatua, munduko handienetako bat da 20 milioi biztanlerekin.

Geografia

Mexiko Hiria eta metropoli eremua Anáhuac haranean (Mexikoko Harana) aurkitzen da eta 3.691 km² luze-zabal da. Batez besteko 2.240 metroko altitudean, Ardatz Neobolkanikoaren erdialdean kokatua dago. Mendiek eta sumendiek harana ingurzaten dute, iparraldeko zati txiki batean izan ezik, bertako airea (eta kutsadura) harrapatuz. Haranaren ekialdean mendiak 5.000 metro baino gehiago dituzte (bertan daude Popocatépetl eta Iztaccíhuatl sumendiak).

Barruti Federaleko mapa geofisikoak

Topografia	Hidrologia	Klimak

Historia

Antzinako kondaira baten arabera, aztekak Mexiko alderantz emigratu zuten iragarpen bat bete nahian: hiria eraiki behar zuten lekuan arrano bat aurkituko zuten suge bat jaten. Kondaira honen arabera, Texcoco aintzirako uhartetxo baten aurkitu zuten arranoa sugea jaten nopal kaktus paten gainean. Horrela, bertan eraiki zuten hiriburua 1325an, Mexiko-Tenochtitlan izenarekin, aintzirako uharte eta uhartetxo ugari batuz eta lurrak ubidez lehortuz. Hiria Ipar eta erdialdeko Amerikako handiena bihurtu zen, eta garai hartan munduko handienetakoa 300.000 biztanle baitzituen.

Espainiarrrak 1519an iritsi ziren hiria eta Moctezumaren jauregian ostatu hartu. Hernán Cortések, konkistatzaileen buruak, setioa eta konkista gudua gidatu zuen. Hiria eta Azteka Inperio osoa 1521eko abuztuaren 13an menperatu zuten. Hiria suntsitu eta Europako estiloan berreraiki zen. Karlos I.a Espainiakoak armarria eta hiri agiria 1523an eman zizkion. Aro kolonialean Mexiko Hiria Espainia Berria erregeordetzako hiriburu izan zen, eta Yucatan, Guatemala, Filipinak eta Kubako kapitaintzetako administrazio gunea.

Independentzia gerraren ondoren, hiria Mexikoko Inperio independenteko hiriburu izendatu zen. Gobernu monarkikoaren ondoren gobernu errepublikarra eta federala iritsi zen 1824an, eta hiria Batasuneko egoitza nagusi izendatu zuten. Horretarako barruti federal bihurtu zen Mexikoko estatutik bananduz.

1950ko hamarkadan, hiriak 2 milioi biztanle inguru zituen. Gerraondoko hazkuntza ekonomikoari esker, hiria herrialdeko gune komertzial eta industrial bihurtu zen, Federazioko eta Erdialdeko Amerikako milaka immigrante erakarriz. 1968an Olinpiar Jokoak bertan izan ziren, Latinoamerikako lehen hiria, eta bakarra. 1985eko irailaren 19an lurrikara handi bat gertatu zen, Richter eskalan 8,1 graduraino iritsiz. Gobernuaren arabera 6.000 hildako izan ziren, baina beste iturri batzuetan oinarrituz 35.000 hildako inguru izan zirela uste da.

1990an, metropoli eremuak 16 milioi biztanle baino gehiago zituen. Hiriaren kokapena dela-eta, mendi eta sumendiz inguratua, industriak eta autoek eragindako airearen kutsaduraa oso handia da, haizeak ez baititu gasak egoki barreiatzen.

Klima

Datu klimatikoak (Mexiko Hiria, Tacubaya)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	28.2	29.3	33.3	33.4	33.9	33.5	30.0	28.4	28.5	28.9	29.3	28.0	33.9
Batez besteko tenperatura maximoa (°C)	21.3	22.9	25.5	26.6	26.3	24.7	23.2	23.4	22.5	22.4	21.9	21.2	23.5
Batez besteko tenperatura (ºC)	13.6	15.0	17.4	18.7	19.0	18.5	17.4	17.5	17.1	16.2	14.9	13.9	16.6
Batez besteko tenperatura minimoa (°C)	5.9	7.0	9.2	10.7	11.7	12.3	11.5	11.5	11.6	9.9	7.8	6.5	9.6
Erregistraturiko tenperatura minimoa (°C)	-4.1	-4.4	-4.0	-0.6	3.7	4.5	5.3	6.0	1.6	0.0	-3.0	-3.0	-4.4
Pilatutako prezipitazioa (mm)	7.6	5.6	10.4	23.1	56.5	134.9	161.4	153.4	127.8	54.1	12.8	6.9	754.5
Prezipitazio egunak (≥ 0.1 mm)	2.21	2.41	3.65	8.05	13.44	18.15	22.39	22.30	19.24	9.71	4.13	2.34	128.02
Elur egunak (≥ 1 mm)	0.04	0.05	0.10	0	0	0	0	0	0	0	0	0	0.19
Eguzki orduak	207.7	214.7	229.4	210.0	198.4	153.0	145.7	158.1	138.0	176.7	198.0	186.0	2215.7
Hezetasuna (%)	56	49	45	46	55	66	73	73	74	78	72	60	62
Iturria (1): Colegio de Postgraduados (normals,extremes and snow)^[2] Servicio Meteorológico Nacional (some extremes)^[3]
Iturria (2): Hong Kong Observatory (sun only)^[4]

Ondasun nabarmenak

Mexiko Hiriko hirigune historikoa eta Xochimilco¹ UNESCOren gizateriaren ondarea
Katedrala
Mota	Kulturala
Irizpideak	i, ii, iv, v
Erreferentzia	412
Kokalekua
Eskualdea²	Latinoamerika eta Karibea
Izen ematea	1987 (XI. bilkura)
¹ UNESCOk jarritako izen ofiziala (euskaratua) ² UNESCOren sailkapena

Mexiko Hiriko hirigune historikoa (Centro Histórico) eta Xochimilco ur-gaineko lorategiak Gizateriaren Ondare izendatu ditu Unescok. Hirigune historikoko leku ezagunenen artean daude Konstituzio plaza (Zócalo), Metropolitar Katedrala, Jauregi Nazionala (hiruak espainiar garaikoak) eta Tenplu Nagusia (azteken garaikoa).

Mexiko Hiriko ikono ezagunenetakoa urrezko Independentziaren Aingerua da, Paseo de la Reforma hiribide dotorean kokatua. Hiribide hori Maximiliano I.ak eraikiarazi zuen, Parisko Eliseo Zelaien hiribidea eredu hartuta, Jauregi Nazionala eta Chapultepec Gaztelu Inperiala lotzeko asmoarekin. Egun, finantza gune garrantzitsua da hiribide hau, non Mexikoko Burtsa eta enpresa egoitza ugari dauden. Beste hiribide nagusi bat Avenida de los Insurgentes da, munduko hiribide luzeenetarikoa (28,8 km luze).

Chapultepec parkeko munio gainean Chapultepec Gaztelua dago, egun museo dena, eta parkeko beste museoen gainean ikuspegia duena. Museo hauen artean dago Antropologia Museo Nazionala (Museo Nacional de Antropología), non Azteken Egutegi Harria dagoen. Beste eraikin garrantzitsu bat Arte Ederren jauregia da (Palacio de Bellas Artes), haitzurdinez egindako antzoki-museoa, Porfirio Díaz presidentearen garaian hasia eta 1920ko hamarkadan amaitua Mexikoko Iraultzaren ondoren. Eraikin hau hain da astuna, ezen gutxinaka hondoratuz joan den azpiko lur bigunean. Hiru Kulturen Plaza (Plaza de las Tres Culturas) Tlatelolco auzoan eta Guadalupekoko Ama Birjinaren basilika ere leku esanguratsuak dira. Gainera, hiriak 160 museo inguru ditu, 100 arte galeriatik gora eta 30 bat kontzertu areto, urte osoan zehar dabiltzanak.

Argazkiak

Eraikinak
Independentziaren Aingerua
Xochimilco Ur gaineko lorategiak
Teatro de la Ciudad de Mexico
Paris eraikina
Arte Ederren jauregia
Benito Juarezen monumentua
Torre Arcos
Torre Pemex
Sears eraikina

Banaketa administratiboa

Mexiko Hiria, Barruti Federala, 16 ordezkaritzatan (delegaciones) banatua dago. Nahiz eta Federazioko ((udalerri]]en pareko ez izan , 2000tik halako autonomia dute zenbait arlotan eta biztanleek zuzenezn hautatzen dituzte bertako ordezkariak.

Hauek dira hamaseiak:

1. Alvaro Obregón
2. Azcapotzalco
3. Benito Juárez
4. Coyoacán
5. Cuajimalpa
6. Cuauhtémoc
7. Gustavo A. Madero
8. Iztacalco

9. Iztapalapa
10. Magdalena Contreras
11. Miguel Hidalgo
12. Milpa Alta
13. Tláhuac
14. Tlalpan
15. Venustiano Carranza
16. Xochimilco

Mexikar ezagunak

Moctezuma Xocoyotzin (1466 aldean – 1520) azteken agintaria
Octavio Paz (1914-1998), idazlea.

Ikus, gainera

Mexiko Hiriko metroa

Erreferentziak

↑ Euskaltzaindia. 38. araua: Munduko estatu-izenak, herritarren izenak, hizkuntza ofizialak eta hiriburuak. .
↑ Normales climatológicas para Mexico-Central-Tacubaya D.F. Colegio de Postgraduados (Noiz kontsultatua: January 20, 2013).
↑ NORMALES CLIMATOLÓGICAS 1981-2000. Comision Nacional Del Agua (Noiz kontsultatua: January 5, 2013).
↑ Climatological Information for Mexico City, Mexico. Hong Kong Observatory (Noiz kontsultatua: September 5, 2012).

Kanpo loturak

Wikimedia Commonsen badira fitxategi gehiago, gai hau dutenak: Mexiko Hiria

(Gaztelaniaz) Mexiko Hiriaren webgune ofiziala
(Gaztelaniaz) Mexiko Hiriko Euskal Etxea

[Euskaltzaindia-1] Euskaltzaindia. 38. araua: Munduko estatu-izenak, herritarren izenak, hizkuntza ofizialak eta hiriburuak. .

[clima-2] Normales climatológicas para Mexico-Central-Tacubaya D.F. Colegio de Postgraduados (Noiz kontsultatua: January 20, 2013).

[SMN-3] NORMALES CLIMATOLÓGICAS 1981-2000. Comision Nacional Del Agua (Noiz kontsultatua: January 5, 2013).

[HKO-4] Climatological Information for Mexico City, Mexico. Hong Kong Observatory (Noiz kontsultatua: September 5, 2012).

[1]

[2]

[3]

[4]

	Gizateriaren Ondarea Mexikon
Camino Real de Tierra Adentro • Paquimé, Casas Grandesko arkeologia gunea • Kaliforniako golkoko uharte eta babesguneak • Sierra de San Francisco labar pinturak • El Vizcaíno biosfera erreserba • Frantziskotar misioak Sierra Gordan • Zacatecasko hirigune historikoa • Querétaroko monumentu historikoen gunea • Guanajuato hiri historikoa eta inguruko meatzeak • San Miguel hiri gotortua eta Jesús Nazareno de Atotonilco santutegia • Agave paisaia eta antzinako tekila industriaguneak • Moreliako hirigune historikoa • Hospicio Cabañas, Guadalajara • Monarka tximeletaren biosfera erreserba • XVI. mende hasierako monasterioak Popocatépetl magalean • El Tajín hiri prehispanikoa • Pueblako hirigune historikoa • Tlacotalpango monumentu historikoen gunea • Oaxacako hirigune historikoa eta Monte Albán arkeologia gunea • Palenque hiri prehispanikoa eta parke nazionala • Xochicalco arkeologia gunea • UNAMen Unibertsitate Hiriko Campus Nagusia • Mexiko Hiriko hirigune historikoa eta Xochimilco • Luis Barragánen etxe eta estudioa • Teotihuacan hiri prehispanikoa • Calakmulgo hiri maia eta oihan tropikal babestuak • Campeche hiri historiko gotortua • Chichén Itzá hiri prehispanikoa • Sian Ka'an • Uxmal hiri prehispanikoa • Yagul eta Mitla historiaurreko leizeak Oaxacako Erdialdeko Haranean