Michael Moore

Michael Moore
(2011) Irudi gehiago
Bizitza
Jaiotzako izen-deiturak	Michael Francis Moore
Jaiotza	Flint (Michigan), 1954ko apirilaren 23a (69 urte)
Herrialdea	Ameriketako Estatu Batuak
Lehen hizkuntza	estatubatuar ingelesa
Familia
Ezkontidea(k)	Kathleen Glynn (en)  (1991ko urriaren 19a -  2014ko uztailaren 22a)
Hezkuntza
Heziketa	University of Michigan–Flint (en) : kazetaritza University of Michigan–Dearborn (en)
Hizkuntzak	estatubatuar ingelesa
Jarduerak
Jarduerak	film-zuzendaria, telebista aurkezlea, kazetaria, komediantea, autobiografialaria, idazlea, gidoilaria, zinema aktorea, bakearen aldeko aktibista eta zinema ekoizlea
Jasotako sariak	ikusi Writers Guild of America Award Emmy sariak Urrezko Palma  (2004) : Fahrenheit 9/11 Dokumental onenaren Oscar Saria  (2002) : Bowling for Columbine César Award for Best Foreign Film  (2003) : Bowling for Columbine Eagle Scout
Kidetza	Democratic Socialists of America (en)
Sinesmenak eta ideologia
Erlijioa	Erromatar Eliza Katolikoa
Alderdi politikoa	Ameriketako Estatu Batuetako Alderdi Demokrata
michaelmoore.com

Michael Moore (Flint, 1954ko apirilaren 23) Estatu Batuetako film zuzendaria, dokumentalgile eta idazle eztabaidagarria da.

Globalizazioa, korporazio erraldoiak, bortizkeria eta George W. Bush-en gobernua dira haren kritika gogorrenen jomuga ohikoa.

Estreinako urteak

Michigan estatuko Flint hirian jaio zen Michael Moore. Garai horretan, General Motors enpresako lantegi gehienak Flint-en zeuden. Ama idazkari eta aita zein aitona hor egin zuten lan. Haren osaba bat sindikatu baten fundatzailea izan zen.

Jatorri irlandarra izanda, eskola katoliko batera joan zen. 1972an jaso zuen graduatua. Urte horretan bertan, eskolako zuzendariaren eta zuzendariordearen kontrako kanpaina abian jarri zuen. Urtearen bukaerako, biek dimisioa aurkeztua zuten.

Arrano maila ere badauka Michael Moore-k Amerikako Boy Scouts-en artean. Maila hori altuena da, eta gaur egun ere horretaz harro-harro dabil Michael Moore. Titulu hori lortzearren, segurtasun neurriei buruzko dokumental bat filmatu zuen.

Michigango unibertsitatean ikasle egunkarian idatzi ohi zuen. 22 urterekin, The Flint Voice izeneko aldizkari alternatiboa sortu zuen. 1990etik Kathleen Glynn du emazte Moorek. Alaba bat daukate, Natalie izenekoa eta 1981ean jaioa. New Yorken bizi dira hirurak.

Zuzendari lanak

Zineman

• Roger & Me [Roger eta ni] (1989)
• Canadian Bacon [Kanadako hirugiarra] (1995)
• The Big One [Handi bat] (1997)
• Bowling for Columbine [Boletan jokatzen, Columbineren alde] (2002)
• Fahrenheit 9/11 (2005)
• Sicko (2007)
• Fahrenheit 9/11½ (ekoizpen fasean)
• Slacker Uprising (2008)
• Capitalism: A Love Story [Kapitalismoa: Maitasun historia bat] (2009)

Telebistan

• TV Nation [TB Nazioa] (1994-95)
• The Awful Truth [Egia nazkagarria] (1999-00)
• Michael Moore Live [Michael Moore, zuzenean] (1999)

Musika-bideoak

• Rage Against the Machine taldearentzat: "The Battle of Los Angeles" albumeko "Sleep Now in the Fire" eta "Testify" kantak.
• System of a Down taldearentzat "Boom!".
• R.E.M. taldearentzat "All the Way to Reno".

Liburuak

• Downsize This! [Txikitu ezazu hau!](1996), Estatu Batuetako korporazioen krimenei buruzkoa.
• Stupid White Men [Gizon txuri txoroak] (2001), Estatu Batuetako barruko eta kanpoko politiketako kritika
• Dude, Where's My Country? [Motel, non dago nire herrialdea?] (2003), non George W. Bush-en familia eta Bin Laden familiaren arteko harremanak ikertzen dituen.

Kanpo estekak

Wikimedia Commonsen badira fitxategi gehiago, gai hau dutenak: Michael Moore

• Moore-en web gune ofiziala
• Fahrenheit 9/11 web gune ofiziala
• Fahrenheit 9/11 filmak jasotako kritikei erantzunak

• Datuak: Q174908
• Multimedia: Michael Moore / Q174908