Micrococcus

Wikipedia(e)tik
Hona jo: nabigazioa, Bilatu
Wikipedia:Taxotaula bat irakurtzeko eraTaxotaula bat irakurtzeko era
Micrococcus
Micrococcus mucilaginosis
Micrococcus mucilaginosis


Sailkapen zientifikoa
Erreinua: Bacteria
Filuma: Actinobacteria
Klasea: Actinobacteria
Ordena: Actinomycetales
Familia: Micrococcaceae
Generoa: Micrococcus

Micrococcus generoa bakterio Gram positiboz osatuta dago, koko itxura dutenak. Koko hauek txikiak dira (hortik izena), ohikoa izanik lau zelulako taldeak eratzea (tetradak). Gehienak ez dira mugikorrak, eta inoiz ez dute esporarik sortzen.

Morfologia eta zenbait ezaugarri biokimikoren aldetik antz handia du Staphylococcus generoarekin, nahiz eta GC kopuruari dagokionez oso desberdinak izan (Micrococcus-ek GC kopuru handia du, eta Staphylococcus-ek txikia).

Micrococcus-en ezaugarri biokimiko nagusiak honako hauek dira:

  • proteolitikoa; gelatinaren hidrolisia (+)
  • gatz kontzentrazio altuak jasaten ditu


Habitat ugari kolonizatzen ditu bakterio honek: lurzorua, ur gazi zein geza, airea, hautsa, janariak...; giza eta animalien larruazalean ere aurkitzen da, saprofito moduan eta kalterik egin gabe.

Genero honen espezie batzuek pigmentuak ekoizten dituzte. Pigmentuak foto-babesleak dira, eta hauei esker Micrococcus-ek erresistentzia handia dio eguzki-argiari. Airean denbora asko irauteko gaitasuna ematen diote pigmentuek bakterioari (ohikoa da mikrobio honek laborategiko hazkuntza-inguruak kutsatzea, atmosfera esterilean lan egiten ez bada). Micrococcus luteus-ek pigmentu horia sortzen du, eta Micrococcus roseus-ek gorria.

Agarra duten kultibo medioetan hazten diren kolonia horiek edo gorriek, koko Gram positiboz osatuek eta aerobio hertsiak direnek Micrococcus izateko probabilitate handia dute.

Micrococcus ez da patogenoa. Asko jota, espezie batzuk oportunistak izan daitezke zenbait kasutan.

Commonsen badira fitxategi gehiago, gai hau dutenak: Micrococcus Aldatu lotura Wikidatan