Mieres (Asturias)

Mieres
Asturias
Mieresko udaletxea.
Izen ofiziala	Mieres
Estatua Erkidegoa Probintzia Eskualdea	Espainia Asturias Asturias Caudaleko eskualdea
Alkatea	Luis Maria Garcia Garcia - PSOE
Koordenatuak	43°15′3″N 5°46′36″W
Mieres
Eremua	144 km2
Postakodea	33600
Biztanleria	45,943 bizt (2005)
Dentsitatea	0,32 bizt/km²
http://www.ayto-mieres.es

Mieres Asturiasko erdialdean dagoen udalerria da, historikoki jarduera ekonomiko nagusia meatzaritza eta honekin erlazionaturiko bestelako industriak izan dituena.

2005an 45.943 biztanle zituen, 16 parrokiatan banatuta. Caudaleko eskualdearen herri nagusia da, bai eta Printzerri osoko seigarren udalerririk populatuena ere.

Iparraldean Uvieu du mugakide.

Parrokiak

Mieres udalerriak 16 parrokia ditu:

Baíña Cenera Cuna Figareo Gal.legos Inxerto Lloreo Mieres del Camín La Pena

La Rebollá Paxio Santa Cruz Santa Rosa Santuyano Turón Urbiés Uxo Villarexo Siana

Inguru naturala eta klima

Mieresko ibairik garrantzitsuena Caudal ibaia da, Lena eta Aller ibaiek bat egiten duten tokian jaiotzen dena. Ujo parean jaiotzen den ibai horrek Mieres udalerria iparretik hegora zerkatzen du. Ibai horretan erreka txikiago batzuek isurtzen dituzte euren urak, Duró, Turón, San Juan eta Valdecuna errekek alegia. Bestalde, Caudal ibaia, Nalon ibaiaren ibaiadarra da, eta horrekin Soto de Riberan batzen da, Ribera de Arriba kontzejuan.

Mieresko klima ozeaniko hezea da. Urteko batez besteko tenperatura 13 gradu inguruan dago, eta urtero 1.000mm eta 1.200mm prezipitazioak izaten dira. Horrez gain, batez besteko hezetasuna %80koa da. Landarediari dagokionez, klima ozeanikoari dagozkion ohiko espezieak dira, hala nola, eukaliptua, lizarra, pagoa, intxaurrondoa, hurritza eta gaztainondoa.

Demografia

Iturria: [ Instituto Nacional de Estadística de España]

Pertsonaia ezagunak

• Victor Manuel (1947-), abeslaria.

Ikus, gainera

• Asturiasko udalerrien zerrenda

Kanpo loturak

• (Gaztelaniaz) (Asturieraz) Mieresko udalaren webgune ofiziala