Miguel Indurain

Miguel Indurain

Informazio pertsonala
Izena	Miguel Indurain Larraia
Jaiotza data	1964ko uztailaren 16a
Jaiotza herria	Atarrabia, Nafarroa
Jaiotza herrialdea	Euskal Herria
Altuera	1.88 m
Pisua	79 kg
Kirol informazioa
Modalitatea	Errepidea
Rola	Taldeburua
Trebetasuna	Erlojupekoak

Miguel Indurain Larraia (Atarrabia, Nafarroa, 1964ko uztailaren 16a) txirrindulari nafarra da, historiako kirolari onenetakoa. Frantziako Tourra bost urtez jarraian irabazi zuen (1991tik 1995era), eta Italiako Giroa bitan (1992 eta 1993). 1992an kiroletako Asturiasko Printzea saria eman zioten.

Biografia

1984an egin zen txirrindulari profesional Reynolds taldearekin kontratua sinatzean. Aurretik zortzi urtez Villaves taldean aritua zen kategoria apalagoetan. Lehen urten honetan Los Angeleseko Olinpiar Jokoetan parte hartu zuen eta hamar garaipen lortu zituen.

1985ean lehen aldiz Frantziako Tourrean parte hartu zuen eta Espainiako Vueltan lider izan zen lau egunez.

Hurrengo urteetan Frantziako Tourrean bere taldekide zen Pedro Delgado, 1988ko irabazlea, laguntzen aritu zen. 1989an Paris-Niza irabazi duen lehen euskal txirrindularia izan zen eta Tourreko lehen etapa garaipena lortu zuen.

Bere lehen Frantziako Tourra 1991ean irabazi zuen, erlojupeko bi etapa garaipen lortu ondoren. Aurretik Espainiako Vueltan bigarren postua lortu zuen. 1992an etapakako bi bira handiak, Frantziako Tourra eta Italiako Giroa, irabazi zituen, Italiako Giroa irabazten zuen lehen euskalduna izanez. Gauza bera lortu zuen 1993an.

Miguel Indurain, 1993ko Frantziako Tourrean

1994an Tourra irabazi zuen laugarren aldiz jarraian, baina Italiako Giroan Eugeni Berzin Errusiarrak garaitu zuen. Urte bereko irailean Orduko Errekorra lortu zuen, Chris Boardmanek zuen aurrekoa gaindituz eta berria 53.040 kmtan utziz. Proba honetarako Espada izeneko bizikleta iraultzaile eta modernoa erabili zuen. Hala ere, hilabete geroago Tony Rominger suitzarrak marka hobetu zuen. 1995ean bere azken Frantziako Tourra (bosgarrena jarraian) eta munduko erlojupeko txapelketa irabazi zituen.

Bere azken denboraldian ez zuen lortu bere nahi nagusia zen seigarren Tourra irabazterik eta hamaikagarren postuan geratu zen. Atlantako Joku Olinpikoetan erlojupeko proban urrezko domina lortu zuen. Bere azken lasterketa Espainiako Itzulia izan zen, baina Covadongako aintziretan helmuga zuen etapan erretiratu zen.

1997ko urtarrilaren 2an iragarri zuen agur esaten ziola txirrindularitzari.

Palmaresa

1984 Etorkizuneko Tourreko etapa 1 1985 Etorkizuneko Tourreko 2 etapa 1986 Etorkizuneko Tourreko 2 etapa Murtziako itzulia eta etapa 1 1987 Murtziako itzuliko etapa 1 Meatze Haranetako Itzulia eta 3 etapa Nafarroako Foru Erkidegoko Saria Setmana Catalanako 2 etapa Txitxarrora igoera, eta etapa 1 1988 Kataluniako Itzulia, eta etapa 1 Cantabriako Itzuliko etapa 1 Galiziako Itzuliko etapa 1 1989 Paris-Niza Nazioarteko Kriteriuma, eta etapa 1 Frantziako Tourreko etapa 1 1990 Paris-Niza, eta etapa 1 Donostia Klasikoa Frantziako Tourreko etapa 1 Espainiako errepideko txirrindularitza txapelketan 3. postua Euskal Herriko Itzuliko etapa 1 Valentziako Erkidegoko Itzuliko etapa 1 Burgosko Itzuliko etapa 1 1991 Vaucluseko Itzulia, eta etapa 1 Espainiako Itzulian 2. postua Euskal Bizikletako 2 etapa, Arrateko Igoera barne Frantziako Tourra, eta 2 etapa Kataluniako Itzulia, eta etapa 1 Munduko Errepide Txirrindularitza Txapelketan 3. postua UCI Sailkapenean 2. postua 1992 Romandiako Itzuliko etapa 1 Italiako Giroa, Intergiroko sailkapena barne eta 2 etapa Espainiako errepideko txirrindularitza txapelketa

1992 (jarraipena) Frantziako Tourra, eta 3 etapa Gaztela Leongo Itzuliko etapa 1 Kataluniako Itzulia Boucles de l'Aulne UCI Sailkapenean 1. postua 1993 Murtziako itzuliko etapa 1 Italiako Giroa, eta 2 etapa Meatze Haranetako Itzuliko 2 etapa Frantziako Tourra, eta 2 etapa Munduko Errepide Txirrindularitza Txapelketan 2.postua Espainiako errepideko txirrindularitza txapelketan 2. postua Gaztela Leongo Itzulia eta etapa 1 Portuetako Klasikoa UCI Sailkapenean 1. postua 1994 Valentziako Erkidegoko Itzuliko etapa 1 Picardie-ko Tourra eta etapa 1 Italiako Giroan 3. postua Frantziako Tourra, eta etapa 1 Gaztela Leongo Itzuliko etapa 1 Orduko Errekorra: 53.040 km Espainiako Errekorra (5 km) — 5' 43" 947 Espainiako Errekorra (10 km) — 11' 20" 097 Espainiako Errekorra (20 km) — 22' 38" 510 UCI Sailkapenean 2. postua 1995 Aragoiko Itzulia-ko etapa 1 Meatze Haranetako Itzuliko etapa 1 Errioxako Itzulia, eta etapa 1 Asturiasko Itzuliko 2 etapa Midi Libre Dauphiné Libéré, eta etapa 1 Frantziako Tourra, eta 2 etapa Munduko Errepide Txirrindularitza Txapelketan 2. postua Erlojupeko Munduko txirrindularitza Txapelketa Galiziako Itzulia, eta etapa 1 UCI Sailkapenean 3. postua 1996 Alentejoko Itzulia, eta 2 etapa Asturiasko Itzulia, eta etapa 1 Euskal Bizikleta, eta etapa 1 Dauphiné Libéré, eta 2 etapa 1996ko Atlantako Joku Olinpikoetan urrezko domina erlojupeko proban

Fundazioa

1998an sortutako "Fundación Miguel Induráin" izeneko elkartearen ohorezko presidentea da txirrindulari ohia, Nafarroako Gobernuak eta Espainiako Batzorde Olinpikoak bultzatutako fundazioa izanda. Helburuen artean, probintziaren goi-mailako kirolariak sustatzea dago.

Aurrekoa Greg LeMond

Frantziako Tourraren irabazlea 1991, 1992, 1993, 1994 eta 1995

Ondorengoa Bjarne Riis

Kanpo loturak

• (Gaztelaniaz) Miguel Indurainen web pertsonala
• (Gaztelaniaz) Miguel Indurain fundazioa
• (Gaztelaniaz) (Euskaraz) Bere palmaresa osorik