Migel Lopez Legazpikoa

Lopez Legazpikoa estatua Filipinetako Cebu hirian.

Migel Lopez Legazpikoa (Zumarraga, Gipuzkoa, 1502 - Manila, 1572ko abuztuaren 20a) militar, esploratzaile eta konkistatzaile gipuzkoarra izan zen, Filipinetako hiriburu den Manila hiriaren sortzailea.

Bizitza

1502an Zumarragako Legazpi dorrean jaio zen. 1528an Mexikora joan zen bizitzera, eta bertako agintari izatera iritsi zen.

Filipe II.aren aginduz, Ozeano Barea zeharkatu zuen eta 1565ean egin zituen lehenengo kokaleku europarrak geroago erregearen omenez Filipinak izena hartuko zuten uharteetan. 1571ko ekainaren 24an kokaleku finkoa lortu zuen Manilan, hainbat borrokaren ondoren.

Ikus, gainera

• Andres Urdaneta

Kanpo loturak

• Lopez Legazpikoa Zumarragako Udalaren webgunean