Mikel II.a

Wikipedia(e)tik
Hona jo: nabigazioa, Bilatu
Mikel II.a (ezkerrean) eta haren seme Teofilo, Amoriar dinastiaren sortzaileak.

Mikel II.a (grezieraz: Μιχαήλ Β', Mikhaēl II; Amorium, Frigia, 770 - Konstantinopla, 829ko urriaren 2a), izengoitiz Amoriarra (grezieraz: ὁ Ἀμοριεῦς) eta Totela (grezieraz: ὁ Ψηλλός, Psellos), Bizantziar enperadorea izan zen 820-829 urteetan. Frigiar edo Amoriar dinastiako lehenbiziko agintaria izan zen.

Soldadu soil gisa hasi bazen ere, jeneral izatera iritsi zen. Leon Armeniarra, aspaldiko arma-laguna, sustengatu zuen, enperadore izendatua izan zedin (813). 820ko abenduan, ordea, Leonek heriotzera zigortu zuen, bere aurka konspiratzen zebilelakoan. Baina Mikelen aldekoek enperadorea hil zuten eta bera espetxetik tronura igaro zen. Tomas Eslaviarraren matxinadari aurre egin zion, bulgariarren laguntzari esker (822-824). 823an Kreta sarrazenoen menpean geratu zen eta 827an musulmanek Siziliaren aurkako erasoa hasi zuten. Bestalde, IX. mendean zehar Bizantzio zatitu zuen eztabaida ikonoklasta neurrira ekartzen saiatu zen[1].

Erreferentziak[aldatu | aldatu iturburu kodea]

  1. Michael II Encyclopædia Britannica Eleventh Edition (1910-1911)


Aurrekoa
Leon V.a Armeniarra
Bizantziar Inperioko enperadorea
820-829
Ondorengoa
Teofilo



Commons-logo.svg
Commonsen fitxategi gehiago dago honi buruz:
Mikel II.a