Mikel VIII.a Paleologo

Mikel VIII.a Paleologo (grezieraz Μιχαήλ Η΄ Παλαιολόγος) Bizantzioko enperadorea 1259-1282 urteetan. Aurrena Nizean izan zuen gobernuaren egoitza, eta Konstantinopolisen ondoren. Joan IV.a Paleologo aginpidetik kendu eta haren lekua hartu zuen. Genoarrengana hurbiltzeko ahaleginak egin zituen (Nymphaeum-eko komenioa, 1261). Horrela, Veneziak merkataritzaren barruan zuen nagusitasunaren kontra joateko eta latinoen eskuetan zegoen Konstantinopolis bereganatzeko aukera izan zuen. Karlos Anjoukoa, Siziliako erregea, Konstantinopolisko aginpidea lortu nahian zebilen, eta erregetza ez galtzearren, Mikel III.a Paleologok hitzarmen bat izenpetu behar izan zuen Aita Santuarekin (Lyongo Hitzarmena, 1274).