Milurteko Belatza

Wikipedia(e)tik
Hona jo: nabigazioa, Bilatu

Milurteko Belatza (ingelesez Millennium Falcon) Star Wars film sagaren jatorrizko trilogian agertzen den espaziontzi baten izena da. Star Wars III. Atala: Sithen mendekua filmean ere agerraldi labur bat egiten du.

Historia[aldatu | aldatu iturburu kodea]

Milurteko Belatza YT-1300 corelliar kargaontzi bat da eta diska zurixka forma du. Zaharra den arren eta egin zaizkion aldaketak egin arren, Han Solok galaxiako espaziontzirik azkarrena dela dio. Argiaren abiadura bost puntutan gainditzeko gai da. Dash Rendarren Outrider izeneko espaziontziaren antzerakoa da.

Jatorrian kontrabandorako erabilia, Aliantza Errebeldera batu zen eta zenbait misio bete zituen, horien artean Lehen eta Bigarren Heriotzaren Izarrak eta X-Wing ehizaontziak suntsitzea.

Ontzia[aldatu | aldatu iturburu kodea]

Lehen begiratu batean Luke Skywalkerren honako hau bezalako iruzkinak eragiten dituen arren, "Txatar mordo bat dirudi" alegia, Milurteko Belatza YT-1300 ereduko kargaontzi corelliar bat da, 27 metro inguru neurtzen duena, Corellian Engineering Corporationek eraikia eta Han Solok eta Chewbaccak kontrabandako misio arrakastatsuetarako asko erabili zutena (aurretik ontzi hau Lando Calrissianena izan zen, beste gaizkile bat eta aipaturiko bikotearen laguna, nori Hanek irabazi zion bere ohiko apustuetako batean, sabacc izeneko joko batean).

Aldaketak[aldatu | aldatu iturburu kodea]

Milurteko Belatzak aldaketa batzuk jasan ditu, horietakoren batzuk legez kanpokoak, baina horiei esker, Han Soloren ontzi maiteak argiaren abiadura bost puntutan gaindi dezake.

Beste aldaketa batzuk ere baditu bere egituran, adibidez Han Solok Inperioaren base batetik lapurtu zituen eta Gurutzeontzi Estelar batentzako ziren pantaila babesleak.

Hala ere, ontziaren arazoetako bat hainbeste aldaketa izatean hauek oso delikatuak direla da, eta Chewbaccak edo Hanek etengabe konpondu behar izatea, eta behin baino gehiagotan sartzen dituzte nahaspiletan Han eta wookieea. Egia esateko, barneko ordenagailuak berak, hiru androide ezberdinen burmuin elektronikoez osatua dagoena, ontziak etengabe ezin duela hegan egin dio, baina ez da hala, ezta gutxiagorik ere.

Armak[aldatu | aldatu iturburu kodea]

Armei dagokienez, ontzi honek laser kanoi laukoitzdun dorretxoak, matxarda nagusien artean kokatutako bi laser kanoi nagusi eta bere behealdean ezkutatutako tiroketa automatikoko pertsonaurkako laser bat ditu. Misil jaurtigailuak ere baditu. Beste xehetasun batzuk ere nabarmentzen dira, ontziaren zorupean kokatutako eskanerren aurkako gelatxoa kasu, jatorrian kontrabandorako izan bazen ere, behin baino gehiagotan Aliantza Errebeldeko kideak ezkutatzeko balio izan zuena.

Izenaren jatorria[aldatu | aldatu iturburu kodea]

Izenaren jatorria paradoxa azalezin bat eta George Lucasek edo filmeetako gidoiak planteatu gabekoa da, Star Warsen unibertsoan ez baitago belatzik, ezta gure errealitatean ezagutzen ditugun belatzekin harremanik izan lezakeen antzeko animalirik ere. George Lucasi 1984an eginiko elkarrizketa batean Milurteko Belatzaren izenaren jatorriari buruzko galdera egin zioten eta zuzendariak Next question, please (hurrengo galdera, mesedez) erantzun zuen.