Monaghaneko konderria

Monaghaneko konderria County Monaghan (en) Contae Mhuineacháin (ga)


Estatua	Irlandako Errepublika
Hiriburua	Monaghan
Biztanleria	60483 biztanle
Azalera	1294 km²
Webgunea

Monaghaneko konderria (gaeleraz Contae Mhuineacháin) Irlandako iparraldean dago kokatuta, Ulsterreko probintzian. Irlandaren banaketan Ipar Irlandan ez sartzea erabaki zuen hiru konderrietako bat izan zen. 1.294 km2-ko azalera dauka eta 60.483 biztanle zituen 2011an. Monaghan/Muineachán dauka hiriburu eta hiri nagusia.

Eduki-taula

1 Geografia
- 1.1 Natura
- 1.2 Herri nagusiak
2 Historia
3 Ondasun nabarmenak
4 Iruditegia
5 Hiri senidetuak
6 Kanpo loturak

Geografia [aldatu]

Natura [aldatu]

Ingurune muinotsua da, mendiek 200 metrotik gora justu igotzen badute ere. Sliabh Beagh eta Mullyash mendiak dira konderria zeharkatzen dutenak. Lurraldea baso zabalez estalia dago, hala nola Dantrey Forest, Rossmore Forest eta Dún na Rí Forest. Egurgintza dela eta, koniferoak dira zuhaitzen gehiengoa eta bertako landaretza nabarmen murrizturik aurkitzen da.

Aintzirak ere ugariak dira konderrian, aipagarriena Lough Egish aintzira.

Herri nagusiak [aldatu]

Monaghan/Muineachán (7.452 biztanle), hiriburua
Carrickmacross/Carraig Mhachaire Rois (4.925)
Castleblayney/Baile na Lorgan (3.634)

Historia [aldatu]

1585 urtean Irlandako lord diputatua zen Sir John Perrot ingelesa inguruko irlandar jauntxoekin. Ulsterra konderrietan banatzea erabaki zuten eta Airgíalla Erresumako lurrak McMahon leinuarentzako izango zirela erabaki zuten. 1603an irlandar jauntxoek Ulsterra galdu zutenean konderri honetan ez zen kolonizaziorik gertatu, baina 1641eko Irlandar matxinadan porrot egiterakoan eskoziar eta britainiarrak ekarri zituzten lurren jabe bihurtzeko.

1920an Ulsterreko konderri guztiek bozketa egin zuten eta Monaghanek Ipar Irlanda beharrean Irlandako Errepublika osatzea erabaki zuen.