Narbal

Narbal
	Irudi gehiago
Iraute egoera
	; Arrisku txikia (IUCN 3.1)
Sailkapen zientifikoa
Filuma	Chordata
Klasea	Mammalia
Ordena	Artiodactyla
Familia	Monodontidae
Generoa	Monodon (en)
Espeziea	Monodon monoceros; Linnaeus, 1758
Banaketa mapa
Datu orokorrak
Ernaldia	1 urte
Masa	80 kg (pisua jaiotzean)
Kumaldiaren tamaina	1
Genomaren kokapena	ensembl.org…

Narbala (Monodon monoceros) Monodontidae familiako zetazeoa da, Artiko eta Atlantiko ozeanoetako itsasoetan bizi dena. Monodon generoko espezie bakarra da, eta belugarekin batera monodontidae bakarrak.

Arrek letagin kiribildu eta luzea dute, bi metrokoa eta hamar kilogramokoa izan daitekeena. Adituek zentzumen-errezeptore bat dela uste dute. Nahiz eta ezpainetatik ateratzen zaien letagina izan, adarra dirudi. Horregatik esaten diote, itsasoko adarbakarra.

Itsas ugaztun haragijaleak dira. Dieta murritza dute eta neguan elikatzen dira, batez ere. Bakailua, txibiak eta fletana dira bere dietaren oinarria. Horiek harrapatzeko uretan murgiltzen dira; oso urpekari onak dira.

Bibiparoak dira. Emeak 15,3 hilabetez izaten dira kumedun. Aldiro, kume bakarra jaio ohi da, gutxi batzuetan bizkiak ere jaio arren.