Moonstruck
Moonstruck (euskaraz Ilargiaren Lilura) 1987ko Norman Jewison estatubatuar zinema zuzendariaren amodiozko komedia filma bat da. Cher, Nicolas Cage, Olympia Dukakis, Vincent Gardenia eta Danny Aiello aktoreek antzeztu zuten.
Oscar Sarietarako sei izendapen jaso zituen, hiru irabaziz: Emakumezko aktore onenaren Oscar Saria (Cher), Emakumezko bigarren aktore onenaren Oscar Saria (Olympia Dukakis) eta Jatorrizko gidoi onenaren Oscar Saria (John Patrick Shanley). Hiru Urrezko Globo Sari ere irabazi eta Berlingo Zinemaldian Zuzendari onenaren Zilarrezko Hartza (Norman Jewison) bereganatu zuen.
Argumentua
New York hiriko Brooklyn auzoa. Loretta Castorini (Cher) estatubatuar-italiar emakumea Johnny Cammareri (Danny Aiello) izeneko estatubatuar-italiar gizonareekin ezkontzeko hitzemana dago, azken hau ezkontza ospatu aurretik Siziliako Palermo hirian hiltzorian dagoen bere ama bisitatzekotan da. Lorettaren aita ez dago ezkontzarekin oso gustura, bere alabak ezkontzarako batere zorte onik ez duela pentsatzen baitu, lehenbiziko ezkontzako senarra autobus batek jota hil baitzen.
Siziliara joan aurretik, Johnnyk emaztegaiari bere anai Ronny (Nicholas Cage) ezkontzara gonbidatu dezan eskatuko dio, bost urtetik Johnnyren erruz Ronnyk esku bat galdu eta bi anaiak elkar hitzegin gabe baizeuden. Ilargi beteko gau batez Lorettak Ronny bisitatu eta ustekabean biak elkar maiteminduko dira, baina hasiera batean, Lorettak ez du maitemindua dagoela onartuko. Egun horretan berta, Lorettaren gainontzeko senideak ere ilargiaren liluraren eragina jasan eta euren bizitzek bapateko aldaketa jasango dute.
Aktoreak
- Cher: Loretta Castorini
- Nicolas Cage: Ronny Cammareri
- Olympia Dukakis: Rose Castorini
- Vincent Gardenia: Cosmo Castorini
- Danny Aiello: Johnny Cammareri
- Julie Bovasso: Rita Cappomaggi
- Louis Guss: Raymond Cappomaggi
- John Mahoney: Perry
- Feodor Chaliapin, Jr.: Aitona Castorini
- Anita Gillette: Mona
Kanpo loturak
- Moonstruck filmaren IMDBko fitxa irakurgai (Ingelesez)
- Norman Jewisonek zuzendutako filmak
- Ameriketako Estatu Batuetako filmak
- Emakumezko aktore onenaren Oscar Saria irabazi duten filmak
- Emakumezko bigarren aktore onenaren Oscar Saria irabazi duten filmak
- Jatorrizko gidoi onenaren Oscar Saria irabazi duten filmak
- Amodiozko filmak
- Umorezko filmak
- New Yorken girotutako filmak
- 1987ko filmak