Morne

Morne edo Mòn orografia arloko hitz generiko bat da, "muino" edo "mendi" esateko era.

Frantses jatorriko kreoleretan, bereziki Antilletakoetan garatutako hitz hau 1640tik dago dokumentatuta eta espainierazko morro ("mendixka" esanahiarekin) hitzetik eratorria izan liteke. "Mendi txiki isolatua" edo "itxura borobila duena" esanahia ematen zaio.

Frantsesez morne idazten da eta ingelesak bere horretan hartu du maileguan; kreolera gehienetan mòn idazten da.

Frantziaren presentzia izan duten lurralde batzuetan hainbeste leku-izenek hitz hori daramate:

Karibea

Dominika

• Morne Diablotin/Mòn Djabloten (1.447 m) uharteko mendirik garaiena da.
• Beste mendi askok ere generiko hori daramate: Morne Trois Pitons (mendia -1,387 m- eta Parke Nazionala), Morne aux Diables (861 m), Morne Plat Pays (940 m), Morne Watt (1.224 m), Morne Bruce eta beste.

Grenada

• Morne Jaloux, Morne Docteur eta Morne Rouge herriak Saint George parrokian.
• Morne Tranquille Saint David parrokian.
• Morne Longue Saint Andrew parrokian.
• Morne Fendue Saint Patrick parrokian.

Guadalupe

• Morne-à-l'Eau udalerria.

Haiti

• Gros-Morne edo Gwo Mòn Artibonite edo Latibonit departamenduko udalerri eta barrutia da.
• Morne à Chandelle Sud-Est/Sidès departamenduko herria da.
• Mendiak: Morne Baptiste (1.575 m), Morne du Cibao (2.280 m, Haitiko hirugarrena), Morne Jean (718 m), Morne Bois-Pins...
• Pic la Selle/Pik Lasèl (2.674 m, estatuko garaiena) Haitiko kreoleraz deitzeko beste modu bat Mòn Lasèl da.

Martinika

• udalerriak: Le Morne Rouge, Gros-Morne (kantonamendua ere bai), Le Morne Vert.
• mendiak: Morne Macouba (1.282 m), Morne Piquet (1.159 m)...

Saint Barts

• Morne du Vitet (280 m) uharteko garaiena da.

Santa Luzia

• Morne Fortune: Castriesgo auzoa.
• Morne Ciseaux hiria.
• Mòn Djimi deitzen da kreoleraz uharteko mendirik altuena (950 m); kasu honetan ingelesezko baliokidea Mount da, Mount Gimie hain zuzen.

Ipar Amerika

Quebec

• Gros-Morne: Gaspésie eskualdeko herria.

Saint-Pierre eta Mikelune

• Morne de la Grande Montagne (240 m) lurraldeko garaiena da.
• Mendi hau dagoen muino-multzoak Les Mornes izena hartzen du; beste tontor batzuk: Grande Morne à Sylvain (222 m), Morne du Noroit de l'Étang aux Outardes (215 m), Morne de Suroit (222 m) eta Morne de la Presqu'Ile (219 m).

Ternua

• Gros Morne mendia (807 m) eta parke nazionala.

Hego Indikoa

Maurizio

• Morne Brabant: penintsula eta mendia.
• Le Morne: mendia eta lurmuturra.

Réunion

• Mendiak: Gros Morne (3.019 m), Morne Langevin (2.380 m), Morne de Fourche (2.267 m)...

Seychelleak

• Morne Seychellois/Mòn Seselwa (905 m), estatuko garaiena.

Ikus, gainera

• Mendi
• Muino

Kanpo estekak

• Datuak: Q3324190