Mortimer Jerome Adler

Mortimer Jerome Adler
	; Irudi gehiago
Bizitza
Jaiotza	New York, 1902ko abenduaren 28a
Herrialdea	Ameriketako Estatu Batuak
Heriotza	Palo Alto, 2001eko ekainaren 28a (98 urte)
Hezkuntza
Heziketa	Columbia Unibertsitatea
Hizkuntzak	ingelesa
Jarduerak
Jarduerak	filosofoa, idazlea, unibertsitateko irakaslea eta hezitzailea
Enplegatzailea(k)	Columbia Unibertsitatea ; Chicagoko Unibertsitatea
Jasotako sariak	ikusi National Humanities Medal ; St. Louis Literary Award (1978) ; Charles Frankel Prize (1990) ; Aquinas Medal (1976) ;
Influentziak	Aristoteles, John Locke, Tomas Akinokoa eta Hans Vaihinger (en)
Sinesmenak eta ideologia
Erlijioa	Erromatar Eliza Katolikoa

Mortimer Jerome Adler (New York, 1902ko abenduaren 28a - San Mateo , Kalifornia, 2001eko ekainaren 28a) estatubatuar filosofoa izan zen.

Bizitza[aldatu | aldatu iturburu kodea]

Columbiako Unibertsitatean egin zituen ikasketak, eta 1923-1929 bitartean psikologia-irakaslea izan zen bertan. Chicagoko Unibertsitatean, berriz, zuzenbide-filosofia irakatsi zuen 1930etik 1952ra. Urte horretan, Filosofia Ikerketarako Erakundea sortu zuen San Franciscon, eta hainbat filosofia-lan idatzi zuen erakunde horrentzat, besteak beste, etika gaiak lantzen dituen The Conditions of Philosophy (1965, Filosofiaren egoera).

Dialektika arlokoak dira Adlerren filosofia-ekarpen nagusiak. Zenbait gaitan iritzi berriak eta pertsonalak adierazten bazituen ere, beste batzuetan ez zebilen bere garaian Platonek eta Aristotelesek defendatu zutenetik urrun, batez ere azken horiek dialektikaren eta elkarrizketaren artean ezarri zuten loturari dagokionez.

Argitalpen-arloan ere lan asko egin zuen Adlerrek. 1945 eta 1952 artean, Great Books of the Western World (Mendebaldeko Munduaren Liburu Handiak, 54 liburuki) argitaratu zituen Robert Hutchinsekin batera. 1969an The Annals of America (Amerikako urte-liburuak, 20 liburuki) delakoen argitaratzaile eta 1974an argitaratutako Encyclopædia Britannica-ren (Entziklopedia Britainiarra) 15. edizioaren plangintza-zuzendari ere izan zen.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Mortimer Jerome Adler

Datuak: Q313929
Multimedia: Mortimer J. Adler / Q313929