Mount Gimie

Wikipedia(e)tik
Hona jo: nabigazioa, Bilatu
Mount Gimie

Mòn Djimi
Garaiera 950 m
Kokapena Santa LuziaSanta Luzia
Koordenatuak 13°51′49″N 61°00′43″W / 13.86361°N 61.01194°W / 13.86361; -61.01194Koordenatuak: 13°51′49″N 61°00′43″W / 13.86361°N 61.01194°W / 13.86361; -61.01194
Mount Gimie non dagoen adierazten duen Santa Luzia-ko/-go/-eko mapa
Mount Gimie
Ohiko bidea Fond Saint Jacquesetik

Mount Gimie (ofizialki ingelesez) edo Mòn Djimi (antillar kreoleraz) Karibeko Santa Luziako mendirik altuena da. 950 m ditu.

Izenak[aldatu | aldatu iturburu kodea]

Ez da gorde karibearrek erabilitako bere balizko izena. Santa Luzian ingelesa da hizkuntza ofiziala eta egun gehien hitz egiten dena; hizkuntza honetako generikoak lagunduta Mount Gimie da. Britainiarren presentzia baino lehenagoko herri-hizkera, ordea, Santa Luziako kreolera da, kwéyòl edo antillar kreoleraren aldaeretakoa eta oso bizirik gorde dena; toponimoa bezala, frantsesean jatorria duen hizkuntza honetako generikoarekin Mòn Djimi deitzen da. Frantsesez (Santa Luzia Frankofoniaren barruan ere kokatzen da) Mont Gimie da[1].

Datu nagusiak[aldatu | aldatu iturburu kodea]

Uharteko mendebaldeko kostaldean dagoen Soufrière hiriaren ekialdean dago, Edmond baso erreserbatik eta Enbas Saut ur jauzietatik hurbil. Soufrière eta Canaries quarter edo auzoetako eremuen arteko mugan dago.

Jatorri bolkanikoa du eta oihan tropikalez inguratuta dago. Mendiaren inguruan komunitate rastafariak daude, besteengandik aldenduta bizi direnak.

1973ko urriaren 29an hiru hildako egon ziren mendian gertatutako hegazkin istripuan[2].

Igoera[aldatu | aldatu iturburu kodea]

Mendi honetara igotzea zaila da naturaren ezaugarriengatik, oihan itxian zehar ibili behar delako eta beraz fisikoki nahiko ondo prestatuta egotea komeni da. Fond Saint Jacques herritik gora doan errepidea hartu behar da; oinez herritik mendira doan bidearen hasierarantz 2-3 ordu dira eta hiru ibai gurutzatzen dira. Gidaria beharrezkoa da, gutxik egiten dute igoera eta ibilbide osoak hamar bat ordu ematen du[3]; jaitsiera ere konplikatua izan daiteke, lokaztua izaten delako.

Oskarbi badago gailurretik Santa Luzia osoa ikus daiteke baina gehienetan laino dago eta ikuspegia oso mugatua izaten da[4].

Erreferentziak[aldatu | aldatu iturburu kodea]

  1. Atlas de los techos de estados e islas del mundo, Ricardo Hernani eta Andoni Gorostiaga, Pyrenaica, Bilbo, 2008. Ikus 34.or.
  2. 35th Anniversary of Plane Crash at Mount Gimie, Saint Lucia CDEMAren webgunean.
  3. Jah Bless gidari rastafariaren proposamena.
  4. Igoeraren deskribapena Big Country Leo blogean.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]