Muhammad ibn Musa al-Khwarizmi

Wikipedia(e)tik
Hona jo: nabigazioa, Bilatu

Abu Abdallah Muḥammad ibn Mūsā al-Jwārizmī (Abu Yā'far) (أبو عبد الله محمد بن موسى الخوارزمي ابو جعفر), matematikari, astronomo eta geografo musulmana, 780 eta 850 urteen artean bizi izan zen gutxi gorabehera. Gutxi ezagutzen da bere biografia eta non jaio zen ere ziur ez da ezaguna. Al-Mamun kalifaren Bagdadeko gortean ikasi eta egin zuen lana IX. mendearen lehen erdialdean. Bere aroko matematikaririk handiena izan zen.

Bere eta bere lanik nagusiaren Hisab al yabr ua al muqabala, (حساب الجبر و المقابلة) izenetik datoz aljebra, zifra eta algoritmo hitzak. Aljebraren eta zenbaketa sistema hamartarraren sortzailetzat jotzen da.

815 urte aldera, al-Mamunek, zazpigarren Abasidar kalifa, Harun al-Rashiden semeak, bere hiriburu Bagdaden Jakinduriaren Etxea (Bayt al-Hikma) sortu zuen, batzuek Alexandriako Liburutegiarekin parekatu duten ikerketa eta itzultze erakundea. Bertan lan zientifiko eta filosofiko greziar eta indiarrak arabiarrera itzuli ziren. Giro zientifiko eta kultura aniztun honetan hezi eta lan egin zuen al-Khwarizmik. Bere bi lan, aljebra eta astronomia tratatuak, kalifari dedikatu zizkion.

Commonsen badira fitxategi gehiago, gai hau dutenak: Muhammad ibn Musa al-Khwarizmi Aldatu lotura Wikidatan