Mundaka

Mundaka
Bizkaia
Mundaka udalerria eta Izaro uhartearen aireko ikuspegi orokorra.
Izen ofiziala	Mundaka
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Bizkaia Busturialdea
Alkatea	Unai Rementeria Maiz (EAJ)
Herritarra	mundakar
Koordenatuak	43°24′26″N 2°41′54″W
Eremua	4,15 km2
Garaiera	3m - 337 m
Distantzia	36 km Bilbora
Posta kodea	48360
Biztanleria	1.940 bizt. (2012)
Dentsitatea	467,47 bizt./km²
www.mundaka.org http://www.mundaka.org/ayuntamiento/Ayunta_euzkera/ayunta_mund_euz.html www.mundaka.org

Mundaka Bizkaiko iparraldean dagoen herria da, kostaldekoa eta Bermeotik hurbil kokatzen da.

Mundakak betidanik izan du itsasoarekiko lotura eta, ondorioz, munduari irekita egon da. Mendez mende, bertako jendea protagonista izan da Euskal Herriko nabigazioaren eta arrantzaren historian eta, oraindik ere, herriak lotura estua du Bizkaiko Golkoarekin.

Mundakako portua

Mugak

• Iparraldean: Bermeo eta Bizkaiko Golkoa
• Ekialdean: Urdaibaiko itsasadarra
• Hegoaldean: Sukarrieta
• Mendebaldean: Bermeo eta Busturia

Historia

Mundaka udalerriaren ikuspegi orokorra San Pedro Atxarre menditik ikusita.

Mundakako eliza.

Bizkaiko Jaurerriko leku garrantzitsuenetarikoan nabarmentzen dute historialariek Mundaka, herrian jaio baitzen Jaun Zuria, Bizkaiko lehen jauna. Eskoziako printzesa baten semea izaki, Ingalaterrako erregearengandik ihesi zihoala iritsi omen zen euskal kostaldera. Herriaren izena jatorri daniarrekoa ei da, eta frogatuta dago vikingoak herrian egon zirela 90. urte aldera.

Jaurerriko historiaren arabera, Bizkaiko elizate zaharrena dugu Mundaka. Hori dela eta, lehenbizikoa izatea egokitzen zitzaion Batzar Nagusietan.

Kaitik sortzen dira kaleak, hirigune zaharra osatzen dutenak. Bertan, jauntxoen garaiko aztarnak (armarridun etxeak eta Erdi Aroko dorreak) hauteman daitezke, beti itsasoari begira dauden arrantzaleen etxebizitza tradizionalekin uztartuta. Mundakako armarriak honako osagai hauek ditu: haritz berde bat urre koloreko hondoan, eta, oinean, otso beltz ibiltaria. Hori guztia, zilar koloreko laukiz eta lauki gorriz orlatuta dago. Urtean zehar, jaiez gain, kultur zein kirol jarduera aipagarriak egiten dira, honako hauek, besteak beste:

Politika

Alkateak

Alkatea	Agintaldia	Alderdia
Unai Rementeria Maiz	2011- 2015	EAJ

Ekitaldi nagusiak

• Ekaina: (azken astean, San Pedro jaiekin batera) Gazte zahar mendi taldeak antolatutako mendi irteera.
• Urria: Billabong Pro Mundaka. ASP World Tour Munduko Surf Txapelketaren proba.
• Azaroa: Gazte zahar mendi taldeak antolatutako mendi irteera

Mundakako kostaldea

Demografia

Mundakako biztanleria

1897	1900	1910	1920	1930	1940	1950	1960	1970	1981	1991	2001	2006
2.274	2.205	2.178	2.178	2.215	1.895	1.676	1.761	1.579	1.646	1.641	1.853	1.879

Jaiak eta ospakizunak

• Otsailaren 26a Aratusteak
• Ekainaren 24a San Joan
• Ekainaren 29a San Pedro
• Uztailaren 22a Madalen Eguna
• Abuztuaren 26a Euskal Jaia
• Azaroaren 25a Katalin Deuna

Mundakar ezagunak

• Jose Arrandiaga Larrinaga Joala (1865-1923), herriko medikua eta idazle abertzalea.
• Alejandro Mallona (1878-1937), EAJko alkatea eta Marinako kapitaina.
• Gregorio Blasco (1909-1983), futbolaria.
• Zorion Egileor (1948-), aktorea.
• Edorta Jimenez (1953-), euskal idazlea.
• Jon Kortazar (1955-), literatura katedraduna eta idazlea.
• Irati Jimenez (1977-), euskal idazlea.

Argazki bilduma

• 

  Mundakako Santa Katalina baseliza eta Ogoño lurmuturra

• 

  Andra Maria eliza

• 

  Udaletxea

• 

  Portua.

• 

  Laidatxu, Mundakako hondartza

• 

  Mundakako portua

• 

  Mundaka Ibarrangelutik

• 

  Mundakako Santa Katalina eliza

• 

  Mundaka itsasotik

• 

  Mundakako Sta. Katalina eliza

Ikus, gainera

• Bizkaiko udalerrien zerrenda

Kanpo loturak

• (Euskaraz) Udalaren webgunea
• (Euskaraz) Udalaren webguneko jai eta kultur zerrenda