Mutiloa (Gipuzkoa)

Artikulu hau Gipuzkoako udalerriari buruzkoa da; beste esanahietarako, ikus Mutiloa.

Mutiloa
Gipuzkoa
Mutiloa udalerriaren ikuspegi orokorra.
Izen ofiziala	Mutiloa
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Gipuzkoa Goierri
Alkatea	Iñaki Ugalde Alustiza
Herritarra	mutiloar
Koordenatuak	43°1′18″N 2°16′23″W
Eremua	8,61 km2
Garaiera	241 m
Distantzia	50 km Donostiara
Posta kodea	20214
Biztanleria	235 bizt (2008)
Dentsitatea	27,29 bizt/km²
Sorrera	1617
http://www.mutiloa.net

Mutiloa Gipuzkoako hegoaldean eta Goierriko eskualdean dagoen landa-udalerri euskalduna da. 2008an, 235 biztanle zituen.

Mugakideak

Herrigunea.

Iparraldean Gabiria eta Ormaiztegi, hegoaldean Zerain eta Segura, ekialdean Idiazabal eta mendebaldean Legazpi (Urola Garaia) udalerriak mugakide ditu.

Auzoak

Herrigune nagusia parrokia-elizaren, udaletxearen eta plazaren inguruan bilduta dago. Gaur egun, biztanle guztien %20, gutxi gorabehera, bertan bizi da.

Beste auzuneen artean, Lierni aipatzekoa da, izen bereko baselizaren inguruan osatua baitago. Mutiloarren %10 barne hartzen du.

Gainerako biztanleak (%70) auzo hauetan banatzen dira:

• Elbarrena: Herriko behealdean eta Mutiloa errekaren ibarrean kokatuta, Segurarako bidean.
• Ergoena: Herriko goialdean eta Troia errekaren haranean.
• Gerriko.
• Lenkaran: Ergoena eta herrigune nagusiaren artean.
• Lierni: bertan Lierniko baseliza dago.
• Murgiondo Aldea: Zerain aldera kokatuta.
• Mutiloa Bildua: Mutiloako herrigunea kokatzen den auzoa da.
• Urbizuaran: Liernitik hurbil.

Historia

1144. urteko dokumentu batean aipatzen da lehen aldiz Mutiloako herria. Segurako herriaren mende egon zen Mutiloa 1384. urtetik 1615. urtera, Filipe III.a Espainiako erregearen eskutik hiri-gutuna jaso zuen arte.

Ekonomia

Ekonomia-jarduera nagusiak industria (eraikuntza, janari-industria; langileen % 58,4) eta nekazaritza (bazka-landareak, barazkiak, ardiak eta behiak; langileen % 25,75) dira. Langile askok inguruko herrietako industrietan lan egiten du, eta baserriko lanak bigarren lanbide ditu.

Demografia

Biztanleriaren bilakaera

1900	1910	1920	1930	1940	1950	1960	1970	1981	1991	2001	2009
549	582	540	463	482	430	402	297	233	184	158	235

Mutiloako eliza.

Euskara

Mutiloako biztanle ia guztiak euskaldunak dira.

Sakontzeko, irakurri: Goierriko hizkera

Ondarea

Mañastegizar eta Murgiaran baserriak Kultura Interesdun Ondare izendatu ditu Eusko Jaurlaritzak. Aipagarri dira XVIII. mendean berritutako San Migel eliza, Ama Birjina Lierniakoaren ermita eta Apaolazatarren oinetxea.

Ikus, gainera

• Gipuzkoako udalerrien zerrenda

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.

Kanpo-loturak

• (Euskaraz)(Gaztelaniaz) Mutiloako udalaran webgunea.