Muxika

Artikulu hau Bizkaiko udalerriari buruzkoa da; beste esanahietarako, ikus Muxika (argipena).

Muxika
Bizkaia
Fitxategi:Ez
Izen ofiziala	Muxika
Estatua Erkidegoa Lurralde Historikoa Eskualdea	Espainia Euskal Autonomia Erkidegoa Bizkaia Busturialdea
Alkatea	Aitor Goldaraz (Bildu)
Herritarra	muxikar
Eremua	50,02 km2
Distantzia	29 km Bilbora
Posta kodea	48392
Biztanleria	1.331 bizt (2006)
Dentsitatea	26,61 bizt/km²
http://www.muxikakoudala.com/

Muxika Bizkaiko barnealdean dagoen udalerria da, probintziako erdialdean eta Busturialdeko eskualdean kokatuta dagoena.

Mugakideak

Iparraldean Morga, Errigoiti eta Gernika-Lumo, hegoaldean Iurreta eta Berriz, ekialdean Ajangiz, Mendata eta Munitibar eta Zornotza mendebaldean mugakide ditu.

Auzoak

• Ugarte
• Ibarruri
• Gorozika

Ingurune naturala

Udalerriaren mendebaldean Bizkargi (565 m) mendi mugalaria dago, Espainiako Gerra Zibilean bataila garrantzitsuen lekukoa izan zena.

Oka ibaiak Muxika zeharkatzen du.

Historia

1966an Muxikak Gorozika eta Ibarruri anexionatu zituen, udalerriaren hegoaldean.

Demografia

Muxikako biztanleria

1897	1900	1910	1920	1930	1940	1950	1960	1970	1981	1991	2001	2006
1.400	1.294	1.423	1.445	1.544	1.541	1.607	1.518	2.071	1.635	1.443	1.320	1.331

Herri euskalduna

Herritarren %90 baino gehiago euskaldunak dira, eta herria UEMA mankomunitatearen kidea da.

Muxikako hizkera mendebaleko euskararen aldaera bat da.

Enbeitatarrak

Kepa Enbeita "Urretxindorra" (1878-1942) bertsolaria bertakoa izan zen. Berak hasi zuen bertsoen inguruan ondorengoek mantenduko zuten familia tradizioa: Balendin Enbeita, Oihane Enbeita...

Familiakoa ez izan arren, herrikidea dute Jon Lopategi bertsolaria.

Ikus, gainera

• Bizkaiko udalerrien zerrenda

Kanpo loturak

• (Euskaraz)(Gaztelaniaz)Muxikako udal webgunea
• (Euskaraz)Muxikako albisteak "Busturialdeko Hitza"n