Næstved

Næstved
San Pedro eliza
Estatua	Danimarka
Eskualdea	Seelandia eskualdea
Koordenatuak	55°14′N 11°46′E
Næstved
Eremua	681 km2
Posta kodea	4700
Biztanleria Metropoli eremua	41.667 bizt. (2011) 80.732
Dentsitatea	61,19 bizt./km²

Næstved Danimarkako Seelandia eskualdeko udalerria da, Sjælland uhartearen hegoaldean kokaturik dagoena.

Historia

Bikingoen garaia baino askoz lehenagoko aztarnak aurkitu dira Næstveden, K.a. IV mendekoak hain zuzen ere. Danierazko Næs (penintsula) eta Tved (soildutako basoa) hitzen elkarketak sortu du herriaren izena. Edozela ere, monje beneditarrek 1138an San Pedro eliza hartu zutenerako herria bazela uste bada ere, hauek eman zioten indarra Næstvedi.

Ondasun nabarmenak

• San Pedro eliza (danieraz Sankt Peders Kirke): Hiriko bost elizetako bat da. 1135ean eraiki zen eta 1375etik aurrera Danimarkako eraikin gotiko esanguratsuenetakoa da. Adreilu gorriz egina dago.
• Næstved Museoa (Næstved Museum): Næstved hiriaren bilakaera osoa erakusten duen museoa da.
• Gavnø gaztelua (Gavnø Slot): Gavnø uhartean dagoen gaztelua da. 1737tik gaur arte Reedtz-Thott familiarena izan da. 9.3 km²-ko azalera du, erdia basoek estaltzen dutelarik. Bereziki famatuak dira bere lorategiak batez ere udaberriak tulipanak loratzen direnean.

Kirolak

Hiriko futbol taldea Næstved BK da. Bi aldiz izan da Daniar superligako azpitxapelduna, 1980 eta 1988an, eta behi Kopako azpitxapelduna 1994ean. Saskibaloi taldea ere badu, Team FOG Næstved, hau ere bigarren izana Danimarkako Kopan 2007 eta 2009an.

Kanpo loturak

• (Ingelesez) Turismo bulegoko webgunea