NCAAko lehen maila

Wikipedia(e)tik
Hona jo: nabigazioa, Bilatu

NCAAko lehen maila, D-I bezala ere ezaguna, NCAAren barneko lehiaketa maila gorena da, AEBetako liga unibertsitarioa. Maila honetan daude kirol maila altuena duten unibertsitateak, maila honetan baimentzen bait da kirolari kopuru handiena biltzea unibertsitateak ordaindutako beken bidez.

Historia[aldatu | aldatu iturburu kodea]

NCAA mailetan banatu zen 1973ko abuztuan, I., II. eta III. mailak eratuz, talde bakoitzeko kirolariei eskaini ahal zaizkien beka kopuruaren arabera.

Polemika[aldatu | aldatu iturburu kodea]

Nolabaiteko polemika dago NCAAren barnean unibertsitate batzuek I. mailan soilik kirolen batean parte hartzeko dagoen onarpenari buruz, beste kiroletan beste maila batean parte hartzen duten bitartean. Hau da Johns Hopkins Unibertsitatearen kasua lacrossean, Le Moyne Collegena beisbol eta emakumeen lacrossean edo Colorado Collegena izotz hockeyan esate baterako. Oraingoz, kasu hauek onartzen jarraitzen dira, baina NCAAren sektore batzuen aldetik oposizio handiz.

Azpimailak amerikar futbolean[aldatu | aldatu iturburu kodea]

I. maila maila bakarra da kirol guztietarako futbol amerikarrerako izan ezik, non 1978an lehenik eta 2006an berriz taldeak bi azpimailatan banatu ziren:

  • Football Bowl Subdivision (FBS): Futbol amerikarrean hoberenak diren unibertsitateak daude bertan (I-A maila deitua 1978 eta 2006 bitartean).
  • Football Championship Subdivision (FCS): Futbol amerikarreko taldea duten gainontzeko unibertsitateak daude bertan (1978 eta 2006 bitartean I-AA maila deitua).

I. mailako unibertsitateen artean futbol amerikarra praktikatzen ez dutenak daudenez, kirol kazetariek eta kirol honetako teknikariek talde hau I-AAA maila deitzen dute, baina ez da azpimaila bat (beste biak baino ez baitira existitzen) baizik eta erakunde hauei teknikoki erreferentzia egiteko modu informal bat. Ez da sekula erabili behar futbol amerikarra ez diren kiroletan, beste kirol guztietan ez baitago azpimailarik. Hau da, saskibaloi talde bat deskribatzen badugu, adibidez, ezin da I-AAA mailakoa bezala definitu bere unibertsitateak futbol amerikar talderik ez izan arren, saskibaloian I. mailako unibertsitaeak hala bait dira, besterik gabe.

Football Bowl Subdivision (FBS)[aldatu | aldatu iturburu kodea]

Azpimaila hau denboraldian zehar euren estadioetan batez beste 15.000 ikusle baino gehiago dituzten eta euren futbol amerikar taldea osatzeko ikasle-kirolariei 85 beka eskaini diezaieketen unibertsitateek osatzen dute. Akademia militarretako taldeak beka mugatzeetatik at daude, bertako ikasle guztiek funts publikoekin ikasten baitute.

2006tik, futbol amerikarreko azpimaila honetako bi talderik hoberenek kirol honetako NCAAko I. mailako txapeldun nazional izateagatik lehiatzen dute, BCS National Championship Game bezala ezagutzen den partiduan.

Konferentziak[aldatu | aldatu iturburu kodea]

Jarraian agertzen diren konferentzietako unibertsitateetako futbol amerikarreko talde guztiak FBS azpimailako taldeak dira, konferentzia hauetan parte hartzen duten unibertsitateren batzuk futbol amerikar talderik ez izan arren (adibidez DePaul Unibertsitatea, Marquette Unibertsitatea, Providence College, Seton Hall Unibertsitatea eta St. John's Unibertsitatea, Big East Conferencekoa).

Konferentzia Akronimoa Sorrera Kideak Kirolak
Atlantic Coast Conference ACC 1953 12 20
Big East Conference Big East 1979 15 23
Big Ten Conference Big Ten 1896 12 25
Big 12 Conference Big 12 1994 10 21
Pacific-12 Conference Pac 10 1959 12 22
Southeastern Conference SEC 1932 14 21
Conference USA C-USA 1995 12 19
Mid-American Conference MAC 1946 12 23
Mountain West Conference MWC 1999 9 14
Sun Belt Conference Sun Belt 1976 11 19
Western Athletic Conference WAC 1962 10 19

Konferentzia hauetako talde guztiez gain, jarraian aipatzen diren taldeek independente bezala parte hartzen dute Football Bowl Subdiviion (FBS) azpimailan:

Football Championship Subdivision (FCS)[aldatu | aldatu iturburu kodea]

Azpimaila honetako unibertsitateek 63 kirol beka eskaini ditzakete futbol amerikar talderako.

Futbol amerikarreko azpimaila honetako talderik hoberenek denboraldi osteko torneo bat jokatzen dute, FCS National Football Championship izenekoa azpimailako garailea erabakitzeko.

Konferentziak[aldatu | aldatu iturburu kodea]

Aurreko konferentzietan bezala, jarraian aipatzen diren konferentzietan ere badaude futbol amerikar talderik ez duten unibertsitateak, baina duten eta aipatzen diren konferentzietan dauden guztiak FCS azpimailakoak dira (Army eta Navy izan ezik, Patriot Leaguekoak, FBSan independente bezala jokatzen dutenak, lehen ikusi ahal izan den bezala).

Konferentzia Akronimoa Sorrera Kideak Kirolak
Big Sky Conference Big Sky 1963 9 15
Big South Conference Big South 1983 9 18
Colonial Athletic Association CAA 1983 12 21
Great West Conference Great West 2004 7 16
Ivy League Ivy League 1954 8 33
Mid-Eastern Athletic Conference MEAC 1970 11 15
Missouri Valley Football Conference MVFC 1985 9 1
Northeast Conference NEC 1981 11 21
Ohio Valley Conference OVC 1948 11 17
Patriot League Patriot 1986 8 23
Pioneer Football League Pioneer Football 1991 10 1
Southern Conference SOCON 1921 11 19
Southland Conference Southland 1963 12 17
Southwestern Athletic Conference SWAC 1920 10 18

Konferentzia hauetako talde guztietaz gain, jarraian aipatzen diren taldeek independente bezala jokatzen dute Football Championship Subdivision (FCS) azpimailan:

Beste konferentzia batzuk[aldatu | aldatu iturburu kodea]

Jarraian agertzen direnak NCAAko I. mailako gainontzeko konferentziak dira, euren kirolen artean futbol amerikarra ez dutenak.

Konferentzia Akronimoa Sorrera Kideak Kirolak
America East Conference America East 1979 9 22
Atlantic Sun Conference Atlantic Sun 1978 10 17
Atlantic Ten Conference A-10 1975 14 21
Big West Conference BWC 1969 9 17
Horizon League Horizon League 1979 9 19
Metro Atlantic Athletic Conference MAAC 1980 10 25
The Summit League The Summit 1982 8 19
Missouri Valley Conference MVC; Valley 1907 10 19
West Coast Conference WCC 1952 8 13

Izotz hockeyko I. Maila[aldatu | aldatu iturburu kodea]

Izotz hockeya AEBetako iparraldeko eskualdetara oso mugatua dagoenez, konferentzia erabat ezberdinak dituzte kirol honetarako. Horregatik, ohikoa da aurretik aipaturiko konferentzietan kirol guztietan parte hartzen duten unibertsitateak topatzea, izotz hockeyan izan ezik, non kirol honek konferentzia berezi batean parte hartzen duten.

Konferentziak[aldatu | aldatu iturburu kodea]

Konferentzia Akronimoa Sorrera Kideak (Giz./Ema.)
Atlantic Hockey AHA 2003 11 (11/0)
College Hockey America CHA 1999 6 (0/6)
ECAC Hockey ECAC 1962 12 (12/12)
Hockey East Hockey East 1984 12 (12/8)
National Collegiate Hockey Conference NCHC 2013 8 (8/0)
Western Collegiate Hockey Association WCHA 1951 16 (10/8)

Kanpo loturak[aldatu | aldatu iturburu kodea]