Nairn

Nairn Inbhir Narann
Eskozia
Irudi gehiago
Administrazioa
Estatu burujabe	Erresuma Batua
Herrialdea	Eskozia
Eskoziako azpibanaketak	Highland
Posta kodea	IV12
Geografia
Koordenatuak	57°35′00″N 3°52′00″W
Demografia
Biztanleria	10.022 (2016) 9.960 (2016) (2016)
Informazio gehigarria
Telefono aurrizkia	01667
Ordu eremua	UTC±00:00
nairnscotland.co.uk

Nairn (Eskoziako gaeleraz: Inbhir Narann) Eskoziako iparraldean kokatzen den herri bat da. Highland eskualdean dago, Nairn barrutian, Inverness hiritik 26 kilometro inguru ekialdera eta eskualdeko bigarren herri handiena da. 2011ko erroldaren arabera 12.046 biztanle ditu. Antzinatik arrantzale eta azoka herria izan da, eta Nairnshire konderriaren hiriburua izan zen.

Kostaldeko turismoaren kokaleku garrantzitsua da, bertan bi golf zelai, artelan saltoki eta denden gunea, antzoki eta museo txiki bat ere badaudelarik.

Historia

Jakue I.a Ingalaterrakoa eta VI.a Eskoziakoak 1589an herria bisitatu zuenean esan zuen kale nagusia hain zela luzea non mutur banatan jendeak desberdin hitz egiten zuen: batzuek gaeleraz eta besteek eskozieraz. Izan ere garai hartan bi komunitateak bereizita bizi baitziren bertan. XVII mendeko borrokak herritik gertu izan ziren, bai eta Cullodengo gudu ezaguna ere.

1855ean trenbidea iritsi zen, Aberdeenetik Invernessera zihoana, eta 1860 inguruan Dr. John Grigor mediku ezagunak bertan etxea eskuratu zuen. Honek bere bezeroei Nairneko klima epelaz hitzagin zien eta hauek bertan oporrak igarotzen hasi ziren. Hotelak eta etxe berriak eraiki ziren West End auzoan. Golf zelaiak sortu ziren eta bere hondartzek ere sona handia hartu zuten.

Bigarren Mundu Gerra garaian soldadu britaniarrek Normandiako Lehorreratzea prestatzeko maniobrak egin zituzten hondartza hauetan eta bi espia alemaniar atxilotu zituzten.

Golf zelaia

1887an Nairn Golf Club sortu zen eta bertako zelaia mundu mailako kategoria gorenean dago. Archie Simpson, Old Tom Morris eta James Braid jokalariek diseinatu zuten eta entzute handiko txapelketa ugari jokatu izan dira bertan.

Kultura

1867tik aurrera Highland games kultur-kirol jaialdia ospatzen da, Nairnekoa iparraldeko jaialdi garrantzitsuenetakoa da.

Abuztuan Nairneko Nazioarteko Jazzaldia izaten da.

Herrian bizi den Tilda Swinton aktoreak (Oscar Sariduna) Ballerina Ballroom Cinema of Dreams zine jaialdia antolatu zuen 2007an eta urtero ospatzen da.

Iruditegia

• 
  Nairngo St Ninians eliza.
• 
  Parrokia zaharra.
• 
  Udaletxea.
• 
  Kale nagusia.
• 
  Museoa.
• 
  Arrantzaleen auzoa.
• 
  Portua.
• 
  Kioskoa.
• 
  Hondartza.
• 
  Hondartzako dunak.
• 
  Cawdorko gaztelua (8 kilometrotara).

Hiritar ezagunak

• James Augustus Grant (1827-1892), esploratzailea, Nilo ibaiaren sorrera aurkitu zuen.
• Charlie Chaplin (1889-1977), aktorea, Nairnera etortzen zen urtero.
• Tilda Swinton (1960- ), aktorea, Emakumezko bigarren aktore onenaren Oscar Saria jaso zuen 2007an eta ordutik Nairnen bizi da.

Kanpo estekak

• Nairngo Udal webgunea (Ingelesez)
• Nairngo Turismo Bilegoaren webgunea (Ingelesez)

• Datuak: Q980084
• Multimedia: Nairn / Q980084