Nekane Lasarte

Nekane Lasarte
Bizitza
Jaiotzako izen-deiturak	Nekane Lasarte Makulegi
Jaiotza	Donostia, ? (84/94 urte)
Herrialdea	Gipuzkoa, Euskal Herria
Jarduerak
Jarduerak	abeslaria
Ahots mota	sopranoa
Musika instrumentua	ahotsa

Nekane Lasarte Makulegi (Donostia, Gipuzkoa) gipuzkoar sopranoa da.

Biografia[aldatu | aldatu iturburu kodea]

Donostian eta Parisen egin zituen musikako ikasketak. Pizkundeko nahiz barrokoko musika landu du, batez ere. 1949tik 1960ra bitartean, 250 emanaldi inguru eskaini zituen Etorki, Stella Maris eta Uso Txuri abesbatzekin. 1961etik 1965era bitartean, aldiz, Nadia Sauvageren Compagnie Grand Siècle taldearekin kantatu zuen (1.500 emanaldi).

1980. urteaz geroztik, Espainiako eta Euskal Herriko orkestrak lagunduta kantatu izan du. Euskal Telebistan, Frantziakoan, Belgikakoan, Alemaniakoan eta Espainiakoan kantaldiak eskaini ditu. Kantu-irakasle da, baita oso gogoko dituen Erdi Aroko eta Pizkundeko musikan aditua ere. Aro horietako musika lantzen duen Eresmin Abesbatza sortu zuen, hain zuzen, 1994an, eta horren zuzendari da. Adineko lagunez osatutako bi abesbatza ere zuzentzen ditu. Eresmin abesbatzarekin Lau Haizetara diskoa kaleratu zuen 2000. urtean, antzinako musikari eskainia.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q12264758