Nerbioi

Wikipedia(e)tik
Hona jo: nabigazioa, Bilatu
Nerbioi
Salto Nervión invierno 2005.jpg
Delikako ur-jauzia
Nerbioi (Euskal Herriko ibaiak)
{{#if: I   I   Nerbioi
I
{{#if: A   A   Nerbioi
A
Nerbioi (Euskal Herriko ibaiak)
Kokapena Burgos, Araba eta Bizkaia
Luzera 72 km
Arroa 1.900 km²
Emaria 9,6 m³/s
Iturburua
Koordenatuak
Delika, Araba (800 m)
42°55′36″N 2°58′48″W / 42.92667°N 2.98000°W / 42.92667; -2.98000
Ibai ahoa
Koordenatuak
Ibaizabal > Bizkaiko Golkoa
43°14′25″N 2°52′35″W / 43.24028°N 2.87639°W / 43.24028; -2.87639


Nerbioi[1] Bizkaiko hego-mendebaldeko eta Arabako ipar-mendebaldeko ibai bat da, Ibaizabalen ezkerraldeko ibaiadarretako bat. Guztira 72 km-ko ibilbidea du. Nerbioi izena Nerva erromatar jainkoaren omenezkoa da. 530 km2-ko arro hidrografikoa du. Arro horren hegoaldean Gilarte mendatea dago (850 metrokoa).

Nerbioi ibaia Arrigorriagan

Ibilbidea[aldatu | aldatu iturburu kodea]

Arabako Delika herriaren goiko aldean jaiotzen da, 222 metroko ur jauzi ikusgarrian, Urduñako mendien goialdean, Santiagoko pagadian. Bizkaiko Urduñako lurrak igaro eta gero, Arabako Amurrio eta Laudio zeharkatzen ditu, berriro eta behin betiko Bizkaiko lurretan sartu baino lehen. Gero, Arakaldo, Ugao eta Arrigorriaga zeharkatuta, Basaurin ematen dizkio bere urak Ibaizabali, bere 72 kilometroko ibilbidearen bukaeran. Ibilbideak, oro har, hego-ipar norabideari jarraitzen dio.

Ibaiadarrak[aldatu | aldatu iturburu kodea]

Ezkerretik[aldatu | aldatu iturburu kodea]

Eskuinetik[aldatu | aldatu iturburu kodea]

Ibaizabalekin elkartzea[aldatu | aldatu iturburu kodea]

Basaurin Ibaizabal ibaiarekin elkartzen da. Bertan Nerbioi-Ibaizabal sistema sortzen da. Orain dela urte batzuk arte ondoren sortzen zen ibaiari Nerbioi izena ematen zitzaion, baina gaur egun Ibaizabal deitzeko ohitura handiagoa dago.

Ibaiaren kutsadura[aldatu | aldatu iturburu kodea]

2009ko martxoan, Euskal Autonomia Erkidegoko sei ibairen kutsadura mailak Europar Batasunak ezarritakoak baino altuagoak zirela jakinarazi zen Uraren Esparru Zuzentarauaren bitartez. Ibai hauek ziren: Oria, Deba, Cadagua, Nerbioi, Ibaizabal eta Zadorra. Horien uretan, legeak arautu baino kopuru handiagoan zeuden kromoa, butilestanioa, lindanoa, kuprea, zianuroa eta merkurioa.[2]

Egoera horren kausa dira, besteak beste, ibai ertzeetako industria jarduerak, arazketarik eza eta nekazarien isurketak. Hala ere, Euskadiko Ur Agentziak (URA) esan zuenez, arazoa ez zen ibaiak zikinago zeudela, baizik eta Europar Batasunak legeak gogortu zituela.

Gainera, Administrazio publikoek oraindik ere ez dituzte betetzen Europar Batasunaren 91/271 Zuzentaraua (1991. urtekoa) eta hura betearazteko Espainiako 11/1995 Errege Dekretua (1995. urtekoa). Hiriguneetako hondakin urak tratatzeari buruzko bi lege horietan zehaztuta dago hondakin ur guzti-guztiak bildu eta araztu egin behar zirela 2006ko urtarrilaren 1erako. Bereziki larria da egoera Nerbioi ibaian, Aiaraldean industria jarduera handia dagoen arren ez baitute araztegirik; eta Urduñan ere ez.[3][4][5]

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Nerbioi Aldatu lotura Wikidatan

Nerbioi ibaiaren inguruko informazioa

Portal.svg
Wikipedian atari bat dago honi buruz:
Euskal Herriko Wikiatlasa