Nggela uharteak

Wikipedia(e)tik
Hona jo: nabigazioa, Bilatu
Nggela uharteak airetik.Jim Lounsbury-ren argazkia.
Florida uharteen mapa bat.

Nggela uharteak edo Florida uharteak, Salomon uharteetako estatuko probintzia zentraleko uhartedi txiki bat da. Uharte kate hori Nggela Sule uharte nagusiak eta beste irla txikiago batzuek osatzen dute. Haien artean; Tulagi, Gavutu eta Tanambogo daude. Florida uhartea izena batzuetan erabiltzen da Nggela Sule uharteaz berba egiteko.

Historia[aldatu | aldatu iturburu kodea]

Nggela uharteak Guadalcanalen ipar-iparrean dautza. Inguru hartan gertatu ziren Bigarren Mundu Gerrako Guadalcanalgo kanpainako gudu asko. Nggela Suleko uhartean, japoniarrek, 1942ko apirilean, goarnizio bat ezarri zuten, eta Gavutun ur-hegazkin base bat eraki zuten. Hala ere, urte hartako abuztuaren 7an, AEBetako 2. marine erregimentuko 1. batailoia uhartean lehorreratu zen, aldameneko Tulagiko lehorreratzeei babesa ematearren. Florida uhartea ez zen inoiz Guadalcanal bezain ospetsua izango, Ozeano Bareko gerran estatubatuar eta Australiar base nagusi bat bertan egon arren. Japoniarrengandik askatu ostean, estatubatuarrek ur-hegazkin base bat eraiki zuten. Uhartea AEBetako itsas armadako urez hornitzeko puntu bat izan zen, uhartean ur putzu batzuetatik ura ateratzen baitzen.

Commonsen badira fitxategi gehiago, gai hau dutenak: Nggela uharteak Aldatu lotura Wikidatan