Nieuw-Vlaamse Alliantie

Wikipedia(e)tik
Hona jo: nabigazioa, Bilatu
Flandesko Aliantza Berria
Nieuw-Vlaamse Alliantie
Presidentea Bart de Wever
Sorrera 2001
Egoitza nagusia Liefdadigheidsstraat 39-1210 Bruselas
Ideologia politikoa flandestar abertzalea, errepublikarra, liberalismoa
Nazioarteko afiliazioa Europako Aliantza Askea
www.n-va.org


Nieuw-Vlaamse Alliantie (Flandesko Aliantza Berria, euskaraz) Volksunie alderdi abertzale historikotik 2001. urtean sortutako alderdi abertzale flandestarra da. Bere burua errepublikanotzat eta zentro-eskuinekotzat jotzen du, eta Flandesko burujabetasun osoa aldarrikatzen du, Europar Batasunaren barnean Estatu independente gisa.

2010eko Belgikako hauteskundeetan Belgika osoko eta Flandesko alderdi bozkatuena izan zen (botoen %17,40 Belgika mailan, eta 27 eserleku Belgikako Ganbaran). Europako Parlamentuan Europako Aliantza Askean kokatzen da, beste Estatuetako hainbat alderdi abertzaleekin batera.

2009ko hauteskunde-programan bere burua "arlo ekonomikoan liberala eta arlo ekologikoan berdea" definitzen zuen. Vlaams Belang eskuin muturreko alderdi abertzalearen aldean NVA askoz liberalagoa eta aurrerakoiagoa da, ezkerreko alderdiek dituzten aldarrikapen ugari bereganatuz (sexu berekoen arteko ezkontzak, ekologiaren aldeko politikak, arrazismoaren gaitzespena, etab). Aldi berean, arlo linguistikoan komunitate flandestarraren interesak tinko defendatzen ditu: administrazio publikoen aurrean nederlanderaz ez dakiten hiritarrei nederlanderaz hitz egiteko betebeharra ezartzen dizkieten legeak aldarrikatzen ditu; babes ofizialeko etxeak eskuratzeko hizkuntza hori menperatzeko beharrarekin lotu izan nahi du; eta etorkinak Flandesen integratzeko nederlanderaren egokitasuna aldarrikatu egin du.