Niki Lauda

Wikipedia(e)tik
Hona jo: nabigazioa, Bilatu
Niki Lauda
Niki Lauda
Datu pertsonalak
Izen osoa Andreas Nikolaus Lauda
Jaio 1949ko otsailaren 22a
Viena (Austria)
Ibilbidea
Jarduneko urteak 1971 - 1979, 1982 - 1985
Taldeak March, BRM, Ferrari, Brabham, McLaren
Lasterketak 172
Lorpenak
Txapelketak 3 (1975, 1977, 1984)
Garaipenak 25
Podium 54
Pole Position 24
Itzuli azkarra 24
Lehen lasterketa 1971ko Austriako Sari Nagusia
Lehen garaipena 1974ko Espainiako Sari Nagusia
Azken garaipena 1985eko Herbehereetako Sari Nagusia
Azken lasterketa 1985eko Australiako Sari Nagusia

Andreas Nikolaus Niki Lauda (Viena, Austria, 1949ko otsailaren 22a) auto-gidari profesional ohia eta enpresaburua da, 1 Formulako gidari izandakoa. Hiru aldiz irabazi zuen 1 Formulako munduko txapelketa.

Bizitza[aldatu | aldatu iturburu kodea]

Niki Lauda, 1996an.

1 Formulako gidari gisa, 1968an hasi zen automobilismoan, eta hurrengo urteetan 3 Formulan eta 2 Formulan aritu zen. 1 Formulako lasterketei dagokienez, hasieran March taldearekin parte hartu zuen (1971-1972 urteetan), eta gero BRM (1973), Ferrari (1974, 1975, 1976 eta 1977), Brabham (1978-1979) eta McLaren (1982-1985) taldeekin. 1974an lehen garaipenak erdietsi zituen Ferrarirekin Espainiako eta Herbehereetako sari nagusietan, eta 1975ean lehen aldiz izan zen 1 Formulako munduko txapelduna. 1976an bizitza galtzeko zorian izan zen Alemaniako Sari Nagusian izandako istripuagatik, eta erredura-orbainak geratu zitzaizkion aurpegian, baina hurrengo urtean munduko txapeldun izan zen bigarren aldiz. 1979an Brabham-Alfa taldean zegoela, 1 Formula utzi eta Lauda Air bere hegazkin-konpainiako lanetan murgildu zen, baina bi urte geroago konpainiak porrot egin zuen, eta berriro ere lasterketetara itzultzea erabaki zuen. 1984an hirugarren aldiz irabazi zuen 1 Formulako Munduko Txapelketa, baina hurrengo urtean betiko utzi zuen automobilismoko lehiaketa nagusia.



Biografia Artikulu hau biografia bati buruzko zirriborroa da. Wikipedia lagun dezakezu edukia osatuz.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Niki Lauda Aldatu lotura Wikidatan