Nirvana
- Artikulu hau meditazioaren helburu gorenari buruzkoa da; beste esanahietarako, ikus «Nirvana (argipena)».
Nirvana (sanskritoz निर्वाण) Indiako erlijioetan, meditazioaren helburu gorena da. Nirvana budismoaren funtsezko kontzeptua da, eta garrantzitsua da hinduismoan eta jainismoan ere.
Giza irrikaren suntsipenak eta norberaren kontzientzia ezabatzeak dakarren askatasun-egoera adierazten du. Nirvana iristea jaiotze- eta heriotza-ziklotik at geratzea da; ni-a existentzia unibertsalean murgildu eta urtzen da, eta pertsona perfektu edo buda bihurtzen. Nirvanak ez du heriotza fisikoa adierazten; pertsona perfektuaren (arhat) heriotzari parinirvana edo guztizko nirvana deritzo. Zenbait teknika eta praktika espiritual bidez lor daiteke nirvana.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.