Nizeforo I.a Logoteta

Wikipedia(e)tik
Hona jo: nabigazioa, Bilatu
Nizeforo I.aren (ezkerrean) eta honen seme Estaurazioren irudiak dituen urrezko txanpona.

Nizeforo I.a (grezieraz: Νικηφορος) (? - Pliska, 811ko uztailaren 26a), izengoitiz Logoteta, 802-811 bitartean Bizantziar Inperioko enperadorea izan zen.

Erresumako altxorraren arduradun (logoteta) izan zen Irene enperatrizak aginpidea izan zuen bitartean. 802an estatu-kolpea jo eta enperadore izendatu zuen bere burua. Erresumako zerga-bilketa aldatu eta nahitaezko soldadutza ezarri zuen. 805ean eslaviarrak matxinatu ziren Patrasen, baina Nizeforo I.ak mendean hartu zituen eta Balkanetako penintsula berreskuratu zuen Bizantzioko Inperioarentzat. 807. urtean arabiarrek bizantziarrak azpiratu zituzten eta Nizeforo I.ak zergak ordaindu behar izan zizkion Harun al-Raxidi. 811n bulgariarrei eraso zien, baina Krum bulgariar khanak bizantziarrak garaitu zituen, eta Nizeforo hil zuen; edontzi bat egin zuen haren burezurrarekin.

Erreferentziak[aldatu | aldatu iturburu kodea]


Aurrekoa
Irene Atenaskoa
Bizantziar Inperioko enperadorea
802-811
Ondorengoa
Estaurazio


Commonsen badira fitxategi gehiago, gai hau dutenak: Nizeforo I.a Logoteta Aldatu lotura Wikidatan