Obabakoak
Wikipedia(e)tik
 |
||
| Datuak | ||
|---|---|---|
| Egilea | ||
| Bernardo Atxaga | ||
| Urtea | 1988 | |
| Generoa | Ipuinak | |
| Herrialdea | Euskal Herria | |
| Banatzailea | Erein | |
| Bilduma | Narratiba | |
| Orrialdeak | 396 | |
| ISBN | ||
| ISBN84-7568-824-4 | ||
"Obabakoak" euskal literaturaren historian libururik ezagunena izan da Euskal Herritik kanpo, jadanik hogei hizkuntza baino gehiagotara itzulia izan delarik. Landa munduan girotutako ipuin bilduma da, errealismo magikoaren eragin nabariarekin eta literatura unibertsalari egindako milaka keinu inertestual baliatuz. Zenbait kritikarik neorruralismoa deituriko korrontearen barruan kokatu dute.
Bernardo Atxaga asteasuarrak 1988an kaleratu zuen lehen aldiz Erein argitaletxearen bidez. Lan honi esker, hurrengo urtean Espainiako Narratiba Sari Nazionala eman zioten, holakorik lortzen duen lehen euskal idazlea izatera iritsiz.
Eduki-taula |
[aldatu] Atalak
Liburua ipuin bilduma eta eleberriaren arteko hibridazio bat bezala uler daiteke, ipuin gehienek lotura edo jarraitasun bat mantentzen dutenez gero. Kontakizun gehienak azaltzen diren pertsonaia, dokumentu eta grabazioetan oinarritzen dira. Haien artean, Atxagak ahozko tradizioko sinesmen bat baliatzen du: Belarri-zulotik sartu eta burmuinaz elikatzen den muskerrarena.
Ia 400 orrialdeak bi atal nagusitan banatuta daude. Lehenengoak ez du izenburu propiorik eta bigarrenak, luzeenak, bai. Jarraian, kapitulu guztien izenburuak azalduko ditugu.
[aldatu] Lehen atala
- Camilo Lizardi erretore jaunaren etxean aurkitutako gutunaren azalpena.
- Jose Francisco: Obabako erretoretxean azaldutako bigarren aitortza.
- Post tenebras spero lucem.
- Esteban Werfell.
- Gauero aterako nintzateke paseatzera.
- Hamaika hitz Villamedianako herriaren ohoretan eta bat gehiago.
[aldatu] Azken hitzaren bila
- Aspaldi, artean gazte eta berde nintzela.
- Bagdadeko morroia.
- Cocteauk.
- Dayoub, Bagdadeko morroia.
- Eskuarekin agur egiten zigun norbait.
- Ezkontaurreko izenez, Laura Sligo.
- Finis Coronat Opus.
- Goizean.
- Hans Mensher.
- Ipui bat bost minututan izkribatzeko.
- Klaus Hanhn.
- Margarete, Heinrich.
- Ni, Jean Baptiste Hargous.
- Ondo plajiatzeko metodoaren azalpen laburra eta adibide bat.
- Pitzadura bat elur izoztuan.
- Rhineko ardo bat hartuz.
- Samuel Telleria Uribe.
- Wei Lie Deshang.
- X eta Y.
- Zuzia iratxekirik dagoenean bizi da.
[aldatu] Zineman
2005ean Montxo Armendariz zuzendari orbaibarrak liburua zinemara eraman zuen, "Obaba" filmarekin.
