Ollo (kontzejua)

Ollo
Euskal Herria
Kokapena
Herrialdea	Nafarroa
Udalerria	Ollaran
Administrazioa
Posta kodea
INE kodea
Geografia
Koordenatuak	42°52′02″N 1°51′30″W
Demografia

Ollo-Ulibarrena

Ollo Nafarroa Garaiko kontzejua da, Ollaran udalerrikoa. Haranaren ipar-mendebaldean dago, 505 metroko garaieran. 53 biztanle zituen 2020an. Haranari eta udalerriari ematen die izena.

Historia

XI. mendeko agirietan aipatzen da Ollo lehen aldiz, Iratxeko monasterioak bertan onibarrak zituela eta. Antso VII. Azkarraren 1232ko dokumentu batean ere aertzen da, Olloko petxak edo zergak eguneratu zirela aipatuz..

XIX. mendearen erdialdian irin errota bat eta eskola bat zituen herriak.

Demografia

Ollo kontzejuko biztanleria

2000	2001	2002	2003	2004	2005	2006	2007
50	51	50	50	51	51	48	46

Ondarea

Herriko etxe asko ederrak dira, XVIII. mendeko jauretxe bat nabarmentzen delarik, harri landuzko aurrealdea duena, bi armarrirekin.

Herri muinotik gertu, Senosiainera bidean, Santa Maria baselizaren hondakinak daude. XI. mendean aipatua ageri da, Iratxeko monasterioaren jabetzapeko gisa, baina haren aztarnarik zaharrenak XIII. mendekoak dira, gotiko hasiberrikoak, esaterako oraindik zutik den sarrerako arkua (atea bera horma batez itxia dagoen arren).

Jaiak

Iraileko lehen asteburuan izaten dira herriko jaiak.

Irudi galeria

• 
  Olloko ikuspegia Andimenditik

Kanpo estekak

• Datuak: Q12265146
• Multimedia: Ollo (Navarre) / Q12265146

Euskarazko Wikipedian bada atari bat, gai hau duena: Nafarroa