OpenID

Wikipedia(e)tik
Hona jo: nabigazioa, Bilatu


OpenID identifikazio digitaleko sistema deszentralizatua da. Honek gure nortasun digitala gordetzea ahalbidetzen du eta OpenID gaituta daukaten guneetan gure nortasuna egiaztatzeko URL bat erabiliko da eta ez da beharrezkoa uneoro erabiltzailea eta pasahitza sartzea.

Sarrera[aldatu | aldatu iturburu kodea]

Gure egunerokotasun digitalean, online dauden makina bat baliabide teknologiko erabiltzen ditugu, izan Gmaileko posta elektronikoa, argazkiak gordetzeko Argazkiak.org kontua, GeraGaitezeneko gure profila, EuskalTubeko gure bideoak, Zabalduko profila,... eta bakoitzean gure erabiltzaile-izen eta pasahitza erabilita profil bat sortu beharra daukagu. Jarraian, profil hori sortu ondoren, guri buruzko xehetasunak kudeatzen ditugu: lagunak gehitzea, lehenetsitako hizkuntza aukeratzea, gure kokapen geografikoa ezartzea, ...

Lan hau bi edo hiru lekutan egin behar bada, ez da aparteko arazoa. Aldiz, aurreko adibideez gain beste hamaika foro, webgune eta zerbitzuetan izena eman behar izanez gero, nekaldi digitala deritzona sorraraz dezake.

Oinarrian, OpenIDrentzako euskarria ematen duten online zerbitzuetara sarrera ematen duen gune deszentralizaturiko identifikazio sistema bat dela esan dezakegu. Modu xumeagoan adierazte aldera, OpenIDren bitartez erabiltzailearen nortasun bakarrarekin web zerbitzu anitzetara sarrera ematen duen teknologia da eta horren bitartez, zerbitzu guzti horietan ez daukagu erregistratzen aritu beharrik, beti ere zerbitzuek OpenID euskarria baldin badute.

Nola erabiltzen da[aldatu | aldatu iturburu kodea]

Erabilpenak ez du aparteko misteriorik, lehenik OpenID identifikazio zerbitzua eskaintzen duen edozein hornitzailerengana jo beharko dugu. OpenIDren webgune ofizialean dagoen zerrendakoren bat erabiltzea aholkatzen da baina hauez gain beste hornitzaile pila dago, ezin daiteke jakin ordea gure datuak nola kudeatuko dituzten. Hauetako edozein orritan sortzen dugun kontuak leku askotako sarrera emango digu.

OpenID jada eskaintzen duten hainbat zerbitzu daude, esate baterako Flickr, Technorati, Wordpress.com, AOL, ... Adibidez, Wordpress.com-eko erabiltzaileak bagara, ez daukagu kontu berri bat sortu beharrik, erabiltzailea.wordpress.com erabiltzaile-izenarekin webguneetan saioa hasteko aukera izango baitugu.

OpenID euskarria ematen duen gune batera sartzean, erabiltzaile-izen hori soilik erabiliko dugu eta behin sartutakoan, gure hornitzailearen webgunera birbidaliko gaitu, hartara APIan gure kontuaren sarrera baieztatu dezagun. Bertan, behin bakarrik sartzea edo sarrera guztiak kontuan hartzea nahi dugun esango diogu. Aurrerantzean, konfiantzazko bezala ezarri dugun gunean egingo ditugun sarreretan, erabiltzaile-izena eta pasahitza sartuko ditugu soilik eta zuzenean sartuko gara.

Ondorioak[aldatu | aldatu iturburu kodea]

Zoritxarrez oraindik hedatu gabeko baliabidea da, baina denborak aurrera egin ahala, indarra hartzen joango den tresna ahaltsua da, OpenIDren euskarria duten gure gune gogokoenetara sarrera ematen baitu erabiltzaile-izen eta pasahitz bakarrarekin, zerbitzuan izena emateko pausua ekidinez.

Kanpo loturak[aldatu | aldatu iturburu kodea]