Orain bi milla urte

Orain bi milla urte (Orain bi mila urte) Jose Manuel Lujanbio "Txirrita" bertsolariaren bertso sorta bat da. Antzinaroko "kantabriar" euskaldunen eta erromatarren arteko borrokak aipatzen ditu, baita garai haietako Lekobide^[1] eta Otsobal euskal buruzagiak eta Tubal, denak pertsonai sasi-historiko-mitologikoak ere, bai eta Octaviano erromatar enperadorea ere. Leloren kantua edo Kantabriarren kantua deritzon kantu apokrifoan eta batez ere Juan Benanzio Arakistainen Tradiciones Vasco-Cántabras liburuko "Los Cantabros" (kantabriarrak) kontakizunean oinarritzen da.

1933an argitaratu zen, bi zatitan, Argia aldizkariaren 647.^[2] eta 648. zenbakietan^[3].

Erreferentziak[aldatu | aldatu iturburu kodea]

↑ Luis Michelena (1985) «Contra Lekobide» in Anuario del Seminario Julio de Urquijo, 20-1,1986, 291-313 or.
↑ «BERTSO / OLERKIen orrialdea» www.armiarma.eus (Noiz kontsultatua: 2020-12-08).
↑ «BERTSO / OLERKIen orrialdea» www.armiarma.eus (Noiz kontsultatua: 2020-12-08).