Orkidea tigre
Wikipedia(e)tik
| Orkidea tigre | |
|---|---|
 |
|
Sailkapen zientifikoa  |
|
| Erreinua: | Plantae |
| Kladoa: | Angiosperma |
| Kladoa: | Liliopsida |
| Ordena: | Asparagales |
| Familia: | Orchidaceae |
| Generoa: | Rossioglossum |
| Espeziea: | Rossioglossum grande |
Orkidea tigrea Orkidazeoen familiako landare epifitoa da (Rossioglossum grande; lehen, Odontoglossum grande). Zurtoin motza eta hosto luze zabalak ditu. Zurtoinak oinean erraboila-itxurako konkorra izaten du. Hostoak aurrez aurre antolatuak izaten ditu. Atalik ikusgarriena lorea du, eta horregatik da orkidazeoetan aintzat hartuenetakoa. Sei orriko lorea du; horietako hiru luze estuak dira, kolorez hori marroiak; bi luze zabalak, erdi bat horia eta beste erdia marroia dutenak, eta seigarrena, txirla baten itxurakoa, kolorez zuri-gorria. Mexikotik Hondurasera bitartean hazten da. Lorategietako apaingarri gisa lantzen da.
Erreferentziak [aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
