Ormuzko itsasartea
Ormuzko itsasartea[1] (arabieraz مضيق هرمز, persieraz تنگه هرمز) Omango golkoaren (hego-ekialdean) eta Persiar golkoaren (hego-mendebaldean) artean kokaturiko itsasarte estua da. Persiar golkoa, Arabiako itsasoa eta Indiako ozeanoa lotzen ditu. Iparraldeko kostaldean Iran du eta hegoaldekoan Arabiar Emirerri Batuak eta Musandam, Omango muhafazaha.
K. a. VII. mendetik XIX. mendera piraten zuloa zen. Gaur egun, Persiar golkoko petrolioaren sarrera izanik, estrategikoki inportantea da. Bere uretan munduko petrolioaren bosten bat garraiatzen dela uste da. Bere zabalera 60 eta 100 kilometroren artekoa da. Aipagarria da Ormuz uharteko izen bereko hiria, Ekialdeko perlen eta salgaien merkataritza-portu nagusia izan zena.
Erreferentziak
 |
Wikimedia Commonsen badira fitxategi gehiago, gai hau dutenak: Ormuzko itsasartea  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.