Otarrain arrunt

Wikipedia(e)tik
Hona jo: nabigazioa, Bilatu
Otarrain arrunt
Sailkapen zientifikoa e
Erreinua: Animalia
Filuma: Arthropoda
Azpifiluma: Crustacea
Klasea: Malacostraca
Ordena: Decapoda
Familia: Palinuridae
Generoa: Palinurus
Espeziea: Palinurus elephas
Johan Christian Fabricius, 1787
Sinonimoak

Palinurus vulgaris

Otarrain arrunta (Palinurus elephas) Palinuridae familiako krustazeo espezie bat da, sukaldaritzan oso aintzat hartua. Familia bereko beste espezie batzuk, duten antzagatik otarrain izena hartzen dute (Karibeko otarraina, Panulirus argus, adibidez).

Miseraren antz handia du, baina otarrainak ez du haginik.

Ezaugarriak[aldatu | aldatu iturburu kodea]

Krustazeo handi honek bost hanka pare ditu. 50 cm izatera irits daiteke eta 4 kg pisatzera.

Gorputza, segmentuduna, kitinazko oskol batek babesten du, arrexka edo gorrixka, abdomen aldean bi orban horirekin. Hankak eta antenak marradunak dira, arre eta horiak.

Burua arantza sendoz estalia dago eta bi adarrek babesten duten bi begi irten ditu. Gainera, bi antena txiki (antenula), gorputza baino luzeagoak diren atzerakako bi antena, bi baraila birrintzaile eta lau baraila moztaile ditu.

Brankiostegitoetan dauden zakatzen bidez egiten du arnas.

Abdomenak sei pare apendize adarbiko[1] ditu (pleopodoak). Lehenengo biak dimorfismo sexualaren irizpide dira.

Hedapena eta bizilekua[aldatu | aldatu iturburu kodea]

Otarrainaren bizilekua Ozeano Atlantikoaren ipar-ekialdea da, Norvegia hegoaldetik Marokoraino, Euskal Herria barne. Mediterraneoan eta Azoreetan ere bizi da, ekialdeko muturrean izan ezik.

Kosta harritsuetan bizi da, marearteko gunetik behera, batez ere 20 eta 70 metro arteko sakoneran.

Elikadura[aldatu | aldatu iturburu kodea]

Otarraina makrofagoa da eta algak, ornogabeak (Anelidoak, Briozooak, Ekinodermoak, Moluskuak, Belakiak eta, batzuetan, Krustazeoak) eta, oso gutxitan, arrainak jaten ditu. Nekrofagoa ere bada.

Alergia arriskua[aldatu | aldatu iturburu kodea]

Karramarroa, otarrainxka eta ganbak bezala, otarrainaren haragiak alergeno bat du, 36 kg.mol-1 masa molekularrekoa.

Erreferentziak[aldatu | aldatu iturburu kodea]

  1. Biramé (fr) jatorrizko testuan

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Otarrain arrunt Aldatu lotura Wikidatan