Oteitza (udalerria)

Artikulu hau Lizarrerriko udalerriari buruzkoa da; beste esanahietarako, ikus Oteitza.

Oteitza
Nafarroa
Izen ofiziala	Oteiza
Estatua Erkidegoa Merindadea Eskualdea	Espainia Nafarroako Foru Erkidegoa Lizarrako merindadea Lizarraldea
Alkatea	José Ángel Bermejo Berdonces (PSN)
Herritarra	oteitzar
Koordenatuak	42°37′7″N 1°57′12″W
Eremua	48,02 km2
Garaiera	512 m
Distantzia	51 km Iruñera
Posta kodea	31250
Biztanleria	959 bizt. (2012)
Dentsitatea	19,97 bizt./km²

Oteitza Nafarroako udalerria da. Lizarrako merindadeko herri honek 959 biztanle zituen 2012ko urtarrilaren 1eko erroldaren arabera. Nafarroako hiriburutik 51 kilometrora dago.

Inguru naturala eta kokapena

Oteitzako eskolaren ondoan dauden hilarrien ikuspegia.

Herria, Nafarroa mendebaldean kokatzen da, Lizarrako merindadearen ekialdean. Lizarra eta Tafalla elkartzen dituen NA-132 errepidean.

Oteitzak Villatuertarekin egiten du muga iparraldean, Mendigorria eta Larragarekin ekialdean, Aberin, Morentin, Deikaztelu eta Allorekin mendebaldean, eta Galipentzu eta Lerinekin hegoaldean.

Udalerriaren hegoaldean Baigorri herri hustua dago, San Bartolomé mendiaren mendebaldean. 1842ko erroldan Lerin eta Baigorri izeneko udalerriaren barruan agertzen zen.

Klima eta landaredia

Oteitzako klimaren ezaugarriak, klima mediterraniar kontinentalari dagozkio. Urteko batez besteko tenperatura 12-13 gradukoa eta prezipitaziak 400-600mm bitartekoak izaten dira. Urteroko egun euritsuak bestalde 60 eta 100 artekoak dira, eta itsasoaren mailatik zenbat eta altuago, euri gehiago jausten da.

Udalerriak zeuzkan jatorrizko basoen azalera (arte, amezti eta antzeko espeziez osatutakoak), asko gutxitu da mendeek aurrera egin ahala gizakiaren eragina dela eta.

Politika

Udaletxea

Udaletxea 1982an altxatutako eraikuntza moderno eta erabilgarria da, eta orube berdinean zegoen antzinako udaletxea eraistean eraiki zen. Antzinako udaletxea XVIII. mendeko egitura barrokoa zen eta bi solairu eta atikoa zeuzkan. Udala alkatea eta zortzi zinegotzik osatzen dute gaur egun.

Demografia

Oteitzako biztanleria

1897	1900	1910	1920	1930	1940	1950	1960	1970	1981	1991	2001	2006
1.002	1.019	1.122	1.200	1.319	1.397	1.361	1.208	1.068	1.048	936	916	933

2008ko erroldaren arabera, 52 etorkin bizi ziren herrian, biztanleriaren %5,41a (Nafarroako batez bestekoaren azpitik).

Politika

udal hauteskundeak

Oteitzako alkatea PSN alderdiko José Ángel Bermejo Berdonces da 2007ko udal hauteskundeez geroztik. Udaleko zazpi zinegotzietatik bost lortu zituen Nafarroako Alderdi Sozialistak eta hortaz gehiengo absolutua udalean. Baliogabeko botoak 28 izan ziren (emandako guztien %4,42a) eta zurizko 17 boto izan ziren (botoen %2,81a). Abstentzioa %21,73koa izan zen. Udalbatzan Eusko Abertzale Ekintzak ere ordezkaritza lortu zuen.

Oteitzako Udala (2007)

Alderdia	Botoak	Zinegotziak
PSN	393	5
EAE	196	2

2011ko udal hauteskundeetan ere PSN izan zen nagusi eta Bermejok alkate kargua gorde izan zuen. Ezker abertzaleak indar handia (noizbait alkatetza eskuratu izan du) duen herri honetan Bilduk osatu zuen udalbatza, 2 zinegotzirekin.

Oteitzako Udala (2011)

Alderdia	Botoak	Zinegotziak
PSN	361	5
Bildu	156	2

Udaletxea

Udaletxe berria 1982an eraiki zen antzinako udaletxea zegoen orube berdinean. Antzinako eraikuntza XVIII. mendean altxatu zuten eta bi solairu eta atikoa zituen. Udala alkatea eta zortzi zinegotzik osatzen dute.

• HELBIDEA: San Migel kalea, 2

Alkateak

Alkateen zerrenda

1979-1983
1983-1987
1987-1991
1991-1995
1995-1999
1999-2003
2003-2007	Víctor Luis Etxberria Sáenz	ADIO
2007-2011	José Ángel Bermejo Berdonces	PSN
2011-2015	José Ángel Bermejo Berdonces	[[PSN

Azpiegitura eta garraioak

Lizarrerriko autobus zerbitzuaren (Tierra Estella Bus deritzona) honako lineek eskaintzen dute zerbitzua Oteitzan:

Línea	Ibilbidea	Ordutegia	Maiztasuna	Oharrak
	Garcia Orkoien Ospitalea - Villatuerta - Oteitza	07:45 - 20:30	8 zerbitzu eguneko

Ikus, gainera

• Nafarroako udalerrien zerrenda

Kanpo loturak

• (Gaztelaniaz) Oteitzari buruzko informazioa Nafarroako Gobernuaren webgunean.
• Herriaren kanpoaldeko etxebizitzak NA-132 errepidetik ikusiak, Google Street View-n.