Otxanda Andrearen dorrea
| Otxanda Andrearen dorrea | |
|---|---|
 Eraikitako euskal ondasun nabarmena | |
| Alde Zaharra | |
 | |
| Kokapena | |
| Herrialdea |  Euskal Herria |
| Probintzia |  Araba |
| Herria | Gasteiz |
| Koordenatuak | 42°51′01″N 2°40′28″W / 42.85023°N 2.67457°W |
 | |
| Historia eta erabilera | |
| Irekiera | XV. mendea |
| Erabiltzailea | Arabako Natura Zientzien museoa |
| Arkitektura | |
| Ondarea | |
| EJren ondarea | 37 |
Otxanda Andrearen dorrea Gasteizko (Euskal Herria) Alde Zaharrean dagoen dorretxe bat da. Arabako Natura Zientzien museoaren egoitza da[1].
Historia[aldatu | aldatu iturburu kodea]
XV. mendean eraikia, dorrearen kanpoaldea hiriko harresiaren parte zen. Aldabeko ataria babestea zuen helburu. Zapardiel errekaren ertzean zegoen eta ibai honek foso funtzioa betetzen zuen Gasteizko harresien eremu horretan[2].
Hasieratik Iruña leinuaren dorrea izan zen. XVI. mendean Andres Martinez Iruña eta Katalina Araba senar-emazteek dorrea berreraikiarazi zuten Badaia utzi eta Gasteizera bizitzera joan zirenean, eta beren alaba Otxandaren izena jarri zioten. Beraiek izan ziren etxeari dorrea erantsi ziotenak[1]. Hurrengo mendeetan hainbat familiaren eskutatk pasa zen, Alava Uriarte (XVIII. mendearen hasiera), Alava Arista (XVIII. mendea), Belasko (XIX. mendean) eta azkenik Fresnoko markesen eskutan gelditu zen harik eta 1971 urtean Gasteizko Aurrezki Kutxak erosi zuen arte[2].
1968 eta 1971 urteen artean zaharberritu egin zuten Emilio eta Luis Ángel Apraiz-en gidaritzapean. Babes osagai batzuk kendu zitzaizkion eta dorrea luzatu egin zen goikaldean almenak ezarriz[2]. Estilo gotiko-pizkundetar lonbardiarraren trazak eman zitzaizkion. 1984 urtean Arabako Natura Zientzien museoaren egoitza da bihurtu zen.
Egitura[aldatu | aldatu iturburu kodea]
Hiru solairutako etxea eta dorre garai batek osatzen dute eraikina. Etxearen beheko solairua harginlanezko hormez eraikia dago eta goiko solairuak egurrez eta adreiluz eginak daude. Herreria kaleko aurpegian Armarri handi bat dago; Iruña, Gebara eta Alava leinuen armarriek osatzen dute[2].
Dorrea etxea baino garaiagoa da, eta estua. Goialdean eraikina zabaldu egiten da, Teilatu batek estaltzen du dorrea. Dorre hau erdi aroan zegoen etxe baten gainean eraiki zen.
Otxanda Andrearen dorrearen inguruan XVII eta XVIII. mendeko etxeak daude[2].
Iruditegia[aldatu | aldatu iturburu kodea]
Erreferentziak[aldatu | aldatu iturburu kodea]
- ↑ a b «Torre de Doña Ochanda» www.rutasconhistoria.es (Noiz kontsultatua: 2019-09-18).
- ↑ a b c d e (Gaztelaniaz) «LA TORRE DE DOÑA OTXANDA DE VITORIA-GASTEIZ» HISTORIAS DE VITORIA-GASTEIZ 2016-11-09 (Noiz kontsultatua: 2019-09-18).
Ikus gainera[aldatu | aldatu iturburu kodea]
Kanpo estekak[aldatu | aldatu iturburu kodea]
 |
Euskarazko Wikipedian bada atari bat, gai hau duena: Euskal Wikiatlasa |
- Arabako Natur Zientzien Museoaren webgune ofiziala
- Otxanda Andrearen dorrearen orria, Hiru.com webgunean]
| Autoritate kontrola |
|
|---|
Datuak: Q3533486
Multimedia: Torre de Doña Ochanda / Q3533486