Oxymoron

Oxymoron
Datuak
Jatorria	Alemania
Musika mota	Streetpunk Oi!
Urteak	1989 - gaur egun
Produkzioa
Diskoetxea(k)	Knock Out Cyclone GMM
Taldekideak
Sucker Bjoern Morpheus
Lehengo taldekideak
Filzlaus Martin Arne Chrissy Davey
Informazio gehigarria
www.oxys.de

Oxymoron streetpunk edo Oi! musika estiloa jorratzen duen talde alemaniarra da.

Taldekideak

Gaur egungo taldekideak

• Sucker (ahotsa eta gitarra).
• Bjoern (bateria).
• Morpheus (baxua).

Aurreko taldekideak

• Filzlaus (baxua)
• Martin (gitarra)
• Arne (baxua)
• Chrissy (baxua eta gitarra)
• Davey (gitarra)

Historia

Taldeak Oxymoron izena 1992. urtean hartu zuen, nahiz eta taldearen jaiotza 1989aren amaieran izan.

Sucker eta bere lehengusu Bjöern bateria-joleak sortu zuten taldea, Martin gitarrista eta Filzlaus baxujolearekin batera. Hauek izan ziren hasieran taldearen partaideak, bi urte geroago Oxymoron izenarekin hasi zirelarik.

Soto batean elkartzen ziren jotzeko, zeini "Oxyfactory" deitzen zioten. Bertan "Beware, poisonous!" lehen EP-a grabatu zuten 1993ko udan, beraien eskutik produzitu eta argitaratu zutena ("Oxyfactory Records" behin-behineko zigilupean, hau izanik argitaratutako lan bakarra). Single hau 1994ko hasieran berrargitaratu zen Helen Of Oi! Records-eko Bob Burridge-n eskutik, zeinek disko bat grabatzeko eskeintza luzatu zien.

"Fuck the Nineties - Here's our Noize" diskoa hiru zatitan grabatua izan zen, Filzlaus bidaian joan zelako eta ezin izan zen inorengatik ordezkatua izan. Taldeak berak ordaindu zituen grabaketa estudioko gastuak, disko honen kritikak inork espero zuena baino hobeak izanik.

Aste batzuk geroago beraien lagun Arne baxua jotzen hasi zen Filzlaus-en ordez. Horrela, atzerrian kontzertuak jotzen hasi ziren, baita Alemanian ere, Braindace taldearekin batera bi bira egin zituztelarik (une horretan hauekin split-single bat kaleratu zuten, "Mohican Melodies" izenekoa).

Oxymoron talde anitza izanik, Punk eta Kaskamotzen tribuen batasunaren irudia izan da, zeintzuk hasiera-hasieratik taldearen kontzertuetan izan diren. Modu honetan, Oi! jaialdietan gero eta sarriago parte hatzen zuten, talde garrantzitsu askorekin jo zutelarik: Cock Sparrer, Angelic Upstarts, Major Accident, Peter and the Test Tube Babies, eta abar...

1996ko udaberrian "Crisis Identity" single-a argitaratu zuten Arne eta bere emaztearen zigiluaren (Rough Beat Records) eskutik, jarraian AEBetara lehen bidaia izan zutelarik. Bi aste kaotiko izan ziren Ekialdeko Kostaldean zehar Braindance eta Casualties taldeekin batera.

Honen ondoren taldea Knock Out Records-ekin harremanak izan zituzten, eta urte bat geroago bigarren diskoa "The Pack is Back" kaleratu zuten diskoetxe honekin, eta Europako hainbat herrialdeetatik bidaiatzen hasi ziren. Baina bidairik zirraragarriena 1997ko udakoa izan zen, hiru astez Japonian zehar jotzeko aukera izan baitzuten (Disckocs taldearekin).

1998a ez zen urte ona izan taldarentzat, izan ere denbora luzean prestatutako birak ezeztatu behar izan zituzten hainbat arrazoirengatik. Gainera Sucker ospitalera joan behar izan zuen denbora batez nerbio gaitz batengatik. Azkenik, Arne-k taldea utzi zuen prestatuta zegoen "Westworld" mini-diskoaren grabaketa baino aste gutxi lehenago. Zailtasun hauetan Chrissy sartu zen taldean, zein aurretik behin-behineko bigarren gitarrista izan zen eta AEBetako lehen biran baxua jo zuen.

Laukoteak, berriz ere, Europako herrialde askotara bidaiatu zuten, inoiz baino kontzertu gehiago jotzen, baita AEB osoan zehar ere. Zazpi aste iraun zituen kostatik kostarako bira honek, Dropkick Murphys (hauekin beste split-single bat argitaratu zuten) eta Ducky Boys taldeekin batera, arrakasta izugarria izan zuen. Chrissy-k taldea utzi zuen azken bira honen ondoren, bere proiektuentzat denbora gehiago edukitzeko.

2000. urtearen amaieran "Best before 2000" bilduma kaleratu zen Knock Out Records-en eskutik (eta Cyclone Records-en eskutik AEBn) agortutako 7" eta material arraroen eskaera handiagatik (single guztiak eta bilduma batzuetako abestiak sartu ziren disko honetan).

Hala ere, bazen taldeak kantu berrien disko bat ateratzeko garaia, beraz, bi hilabetez hau prestatzeko lanean jardun zuten. 2001eko udan "Feed the breed" diskoa izango zena grabatu zuten AEBetara berriz joan baino lehen. 6 astez kostatik kostarako "Pure Punk" bira jo zuten, Dead Empty, The Boils eta The Forgotten taldeekin. Europan zehar ere, Alemanian batez ere, ibili ziren taldekide ezberdinekin izan bazen ere. Tamalez Martin, hasierako taldekidea, semea izan zuenez taldea utzi zuen, Chrissy berriz ere denbora baterako sartu zelarik.

Taldearen basea Berlinera lekualdatu zen, non une horretan partaide guztiak bizi ziren. Bertan aurkitutako gitarristak taldea bertan behera utzi zuen "Chaos across the Nation" AEBetako bira hasi behar zuenean... Davey-k bere burua eskeini zuen taldeak zuen zuloa estaltzeko, eta jarraian zetorren "Spirit of the Streets" Europar biran (Pistol Grip eta Beltones taldeekin) jo zuen, hau izanik Oxymoron taldeak egingo zuen azken bira.

2002ko uztailean taldeak etenaldi bat jakinarazi zuen.

2006ko urrirarte berri gutxi izan ziren taldearen inguruan, noiz disko bat argitaratu zuten "Noize Overdose" izenekoa (Bonecrusher taldearekin erdibana). Disko honek ordurarte argitaratu gabeko eta zuzeneko (Hamburgo, 1999) abestiak ditu. Aldi berean Sucker-en proiektu berria iragartzen zen, Bad Co. Project izenekoa eta "Sucker Stories" diskoa argitaratu zuelarik.

Diskografia

Izena	Formatoa	Argitalpen data	Oharrak
Fuck the 90´s... Here´s our Noize	LP/CD	1995eko maiatza
The Pack is Back	LP/CD	1997ko apirila
Westworld	MLP/MCD	2000ko abuztua
Best before 2000	CD	2000ko urria	Taldeaten lehen bideoklip ofiziala dakar
Feed the Breed	LP/CD	2001eko azaroa
Noize Overdose	Split 2LP/2CD	2006ko urria	Bonecrusher taldearekin erdibana

Iraupen motzekoak eta bildumak

Izena	Formatoa	Argitalpen data	Oharrak
Beware, poisonous!	EP	1994ko maiatza	Taldearen lehen lana
Mohican Melodies	Split EP	1995eko iraila	Braindance taldearekin erdibana
Crisis Identity	EP	1996ko martxoa
Streetpunk Worldwide	Split EP	1996ko apirila	Bilduma Discocks, Bottom Of The Barrel eta Braindance taldeekin batera
A Tribute to Cock Sparrer	Split EP	1998ko abuztua	Bilduma Dropkick Murphys, Shock Troops eta Disgusteens taldeekin batera
Irish Stout vs. German Lager	Split EP	1998ko azaroa	Dropkick Murphys taldearekin erdibana
Worldwide Tribute to the Real Oi!	CD	2000ko abuztua	Hainbat talderen arteko bilduma
Taisho vs. Oxymoron	Split EP	2001eko urria	Taisho taldearekin erdibana
Savage Output	EP/CD	2001eko azaroa

Bideoak

• Run From Reality

Kanpo estekak

• (Ingelesez)(Alemanez) Oxymoron taldearen webgune ofiziala
• Run From Reality abestiaren bideoklipa (Youtube)

• Datuak: Q2264455