Público (Espainia)
| Público | |
| Izena | Público |
| Lehen alea | 2007ko irailaren 26a |
| Azken alea | 2012ko otsailaren 24a |
| Mota | informazio orokorra |
| Saltzen den lurraldea | Espainia |
| Editatzen den hiria | Madril |
| Ideologia politikoa | Ezkerra |
| Hizkuntza | gaztelania |
| Maiztasuna | egunero (paperean argitaratzen zenean) |
| Argitaratzea | goizez (paperean argitaratzen zenean) |
| Salneurria | 1,40 € (astelehenetik ostegunera) eta 2,50 € (ostiraletik igandera) (paperean argitaratzen zenean) (2012) |
| Formatua | Sarekoa |
| Orrialde kopurua | 64 (paperean argitaratzen zenean) |
| Argitaletxea | Mediapro |
| Sortzailea | Jaume Roures |
| Zuzendaria | Jesús Maraña |
| www.publico.es | |
Público Espainiako egunkaria da, egun sareko edizioa soilik duena, eta gaztelaniaz argitaratua (Kataluniako atala katalanez dago) eta Mediapro enpresarena. Bere akziodun nagusienetarikoak Jaume Roures eta Tatxo Benet dira. Egunkariak bere egoitza Madrilen du, eta Espainia osoan saltzen zen, paperean argitaratzeari utzi zion arte. Bere lehen zenbakia 2007ko irailaren 26an argitaratu zen, eta paperezko azken zenbakia 2012ko otsailaren 24an. Izan ere, arazo ekonomikoak zirela eta, data hartatik aurrera, paperezko edizioa argitaratzeari utzi, eta sareko ediziora mugatu zen Públicoren zabalpena.[1]
Sorreran, euro batean saltzen zen astelehenetik ostegunera, eta 2 euroan ostiraletik igandera; azken aldian, baina, astean zeharreko salneurria 1,40 eurokoa zen.
Plantilla [aldatu]
Egunkariaren zuzendaria Jesús Maraña da, bere zuzendariordea Manuel Rico, eta bere zuzentzaile orokorra David J. Torres. Bere lehen zuzendaria Ignacio Escolar izan zen (sorreratik 2009ko urtarrilaren 13ra arte). Geroago, zuzendaria Felix Monteira izan zen 2010eko martxoaren 4ra arte. Handik hona, Marañak zuzendaritza hartu du. Bere erredaktore nagusiak Manuel Rico (politika), Íñigo Sáez de Ugarte (mundua), Amparo Estrada (dirua), Patricia Fernández de Lis (zientzia), Nacho Rojo (internet), Peio Hernández Riaño (kulturak) eta José Miguélez (kirolak) dira.
Iritziaren atalean Manuel Saco, Espido Freire, Camilo José Cela Conde, Enrique Meneses, Alberto Olmos, Nativel Preciado, Ignacio Escolar, Berto Romero, El Gran Wyoming, Marta Nebot edo Toninoren izenak azpimarratu ahal dira.
Erreferentziak [aldatu]
- ↑ (Gaztelaniaz) Público cierra su edición de papel Público.es, 2012ko otsailaren 24a
Kanpo loturak [aldatu]
- (Gaztelaniaz) Público egunkariaren webgunea
| Euskal Herrian zabalkunde handiena duten egunkariak | ||
|---|---|---|
|
Euskal Herriko egunkariak: Berria • Deia • Diario de Navarra • Diario de Noticias • El Correo • El Diario Vasco • Gara • Hitza • Le Journal du Pays Basque • Noticias de Alava • Noticias de Gipuzkoa Espainiako egunkariak: ABC • El Mundo • El País • La Razón • La Vanguardia • El Periódico • Público Frantziako egunkariak: Aujourd'hui en France • France Soir • La Croix • La République des Pyrénées • La Tribune • Les Échos • Le Figaro • Le Monde • L'Humanité • Libération • Sud Ouest Kirol egunkariak: As • Mundo Deportivo • L'Equipe • Marca • Sport Doako egunkariak: 20 minutos • 20 minutes • ADN • Direct Soir • El Nervion • Metro • Qué! Azpimarratuta: euskara hutsezkoak. |
||
 |
Artikulu hau kulturari buruzko zirriborroa da. Wikipedia lagun dezakezu edukia osatuz. |
