Pablo Iglesias Turrión

Pablo Iglesias Turrión
Irudi gehiago
Eskubide Sozialetako eta 2030 Agendako ministroa 2020ko urtarrilaren 13a - 2021eko maiatzaren 4a Espainiako Gobernuaren Bigarren Presidenteordea 2020ko urtarrilaren 13a - 2021eko maiatzaren 4a Espainiako Diputatuen Kongresuko diputatua 2019ko abenduaren 3a - 2021eko martxoaren 26a - Mercedes Pérez Merino (en) → Barrutia: Madril Hautetsia: 2019ko azaroko Diputatuen Kongresuko hauteskunde orokorrak, 2019ko azaroko Diputatuen Kongresurako hauteskundeak Madrilen Espainiako Diputatuen Kongresuko diputatua 2019ko maiatzaren 17a - 2019ko abenduaren 3a Barrutia: Madril Hautetsia: 2019ko apirileko Diputatuen Kongresurako hauteskundeak Madrilen Espainiako Diputatuen Kongresuko diputatua 2016ko uztailaren 8a - 2019ko maiatzaren 21a Barrutia: Madril Hautetsia: Elections to the Congreso de los Diputados in 2016 (en) Espainiako Diputatuen Kongresuko diputatua 2016ko urtarrilaren 5a - 2016ko uztailaren 19a Barrutia: Madril Hautetsia: 2015eko Diputatuen Kongresurako hauteskundeak Madrilen Ahal Duguko idazkari nagusia 2014ko azaroaren 15a - 2021eko maiatzaren 4a ← baliorik ez - Ione Belarra → Europarlamentaria 2014ko uztailaren 1a - 2015eko urriaren 27a
Bizitza
Jaiotzako izen-deiturak	Pablo Manuel Iglesias Turrión
Jaiotza	Madril, 1978ko urriaren 17a (45 urte)
Herrialdea	Espainia
Bizilekua	Galapagar
Lehen hizkuntza	gaztelania
Familia
Bikotekidea(k)	ikusi Irene Montero
Hezkuntza
Heziketa	Madrilgo Complutense Unibertsitatea Boloniako Unibertsitatea Madrilgo Karlos III.a Unibertsitatea
Hezkuntza-maila	doktoretza
Tesia	Multitud y acción colectiva postnacional: un estudio comparado de los desobedientes: de Italia a Madrid (2000-2005) (en)
Tesi zuzendaria	Heriberto Cairo Carou (en)
Hizkuntzak	gaztelania italiera ingelesa
Jarduerak
Jarduerak	politikaria, politologoa, analista politikoa, unibertsitateko irakaslea eta telebista aurkezlea
Lantokia(k)	Estrasburgo Brusela eta Madril
Enplegatzailea(k)	Madrilgo Complutense Unibertsitatea autoenplegu  (2023 -
Jasotako sariak	ikusi Ikasketa Amaierako Sari Berezia  (2004) Karlos III.aren Ordenaren Gurutze Handia  (2021eko abenduaren 29a)
Kidetza	Communist Youth Union of Spain (en)
Sinesmenak eta ideologia
Erlijioa	ateismoa
Alderdi politikoa	Podemos
pabloiglesias.org

Pablo Iglesias Turrión (Madril, Espainia, 1978ko urriaren 17a) espainiar politologo, ezkertiar ekintzailea eta politikaria da. Podemos alderdiaren burua izan zen eta alderdi horrekin diputatu Espainiako Diputatuen Kongresuan. Orobat ezaguna da eztabaida politikoko telebista programak zuzendu eta aurkezteagatik zein beste hedabideetako eztabaida-saio politikoetan parte hartzeagatik, maiz eskuin politikoko pertsonaiekin eztabaida biziekin.

Gaur egun La Base podcasta zuzentzen du.

Ibilbide akademikoa

Zuzenbidean (2001) eta Zientzia Politikoetan (2004, aparteko sariarekin) lizentziaduna, doktoretza amaitu zuen 2008an akzio kolektibo postnazionalari buruzko tesi batekin.. Master batzuk ere burutu eta unibertsitate batzuetan egonaldiak egin ditu. Madrilgo Complutense Unibertsitateko Zientzia Politikoko irakaslea izan zen, eta bertako ohorezkoa irakaslea da. Hainbat liburu eta artikuluren egilea da, hala nola ¡Que no nos representan!. El debate sobre el sistema electoral español eta Desobedientes.

Ibilbide politikoa

Gaztaroan, Espainiako Gaztedi Komunistaren Batasunaren baitan (UJCE) hasi zuen bere jardun politikoa. 2001ean Globalizazioaren aurkako mugimenduan parte hartu zuen. Desobedientzia zibila aldezten du borrokabidetzat, bere idazlanetan azaldu ohi duen bezala. Izquierda Anticapitalista alderdiaren sostenguarekin, 2014 urtean Podemos alderdia sortu eta horren buru gisa azaldu zen. 2014ko Europako Parlamenturako Hauteskundeetan eurodiputatu aukeratua izan zen alderdi horretako hautagaitzan zerrendatik.

2019ko azaroko Espainiako hauteskunde orokorren ondoren, Unidas Podemosek koalizioa osatu zuen PSOErekin Espainian gobernatzeko. Ondorioz, 2020ko urtarrilaren 7an lehen ministro hautatua izan zen Espainiako Kongresuan. 2020ko maiatzaren 21ean, Iglesias Podemosko idazkari nagusi berretsi zuten botoen % 92rekin. 2021eko martxoaren 15ean, iragarri zuen dimisioa emango zuela, Madrilgo ezusteko hauteskunde deialdian lehiatzeko.

PPko Ayusorekin eta VOXekin guztiz muturturik eta giro garratz baten erdian, adierazi zuen heriotza mehatxuak eta cetme balak jaso zituela gutun batean, Grande-Marlaska barne ministroak eta María Gámez Guardia Zibileko zuzendari nagusi berriak bezala. Egun batzuk geroago, Madrilgo Erkidegoko maiatzaren 4ko hauteskundeetako emaitza txarrek bultzaturik, iragarri zuen utzi egingo zuela politika aktiboa. 2021eko ekainaren 13an Ione Belarra iruindarrak hartu zion ordezkoa Unidas Podemosen idazkari nagusi lanetan.

Komunikabideetan

La Tuerka eta Fort Apache telebista saio politiko alternatiboen zuzendaria eta aurkezlea eta hainbat ikusentzunezkoen ekoizlea izan da. Artikulugilea da prentsa idatzizko komunikabide zenbaitetan, hala nola Público eta Diagonal egunkarietan, eta Kaosenlared eta Rebelión webguneetan. Izquierda Unida eta ezkerreko beste zenbait alderdiren komunikazio-aholkulari ere izan da.

Ez dio muzin egin eskuineko telebistetan eztabaida politikoetan parte hartzeari: El gato al agua eta El Cascabel al Gato telebista-saioetan eztabaida biziak izan ditu eskuin politikoko pertsonaiekin. Saio horietan izandako parte hartzeek emandako ospeak beste saio batzuetan gonbidatua izatera eraman zuten, hala nola laSexta Noche, Las Mañanas de Cuatro eta 24h Noche (TVE).

Agerraldi hauen harira kritika positibo eta negatiboak jaso ditu: batzuek bere curriculuma eta eztabaidetan agertzen duen errespetua goratzen duten bitartean, beste batzuek "miseria fabrikatzaile" dela eta Espainiara Kuba eta Venezuelako eredu sozialistak ekarri nahi dituela aurpegiratzen diote.

2021eko urtarrilean La Base podcast-a sortu zuen.

Ikus, gainera

• Zerrenda:Madrildar ospetsuak

Kanpo estekak

• Pablo Iglesiasen webgune profesionala (Gaztelaniaz)

• Datuak: Q13989269
• Multimedia: Pablo Iglesias Turrión / Q13989269