Paleoklimatologia

Azken 500 milioi urteetako paleotenperaturak.

Paleoklimatologia historian zehar Lurrak izan dituen ezaugarri klimatikoak eta haien aldaketak aztertzeaz arduratzen den zientzia da. Iraganeko aldaketa klimatikoak eta haien zergatiak aztertzen ditu, hau da, kliman eragina duten faktoreak, eta iraganeko une jakin bateko klima deskribatzen saiatzen da. Klima aldaketan eragina duten faktoreen artean ondorengoak daude: eguzki erradiazioaren intentsitatea, kokapen astronomikoa, erradiazio kosmikoa, ozeanoen eta kontinenteen distribuzioa eta erliebea, atmosferaren konposizioa eta abar.

Paleoklimatologiak zientziaren alor asko biltzen ditu barnean (paleontologia, biologia eta geologia, adibidez), hainbat metodo erabiltzen baititu historian zehar zenbait objektutan (arroketan, sedimentuetan, izotzean, zuhaitzetan, koraletan, maskorretan, mikrofosiletan eta abar) gorde diren datu klimatikoak bildu eta aztertzeko. Ondoren, datu horiek erabiltzen ditu Lurraren atmosferaren eta eskualde desberdinetako klimen antzinako ezaugarriak zehazteko.

Kanpo estekak

• Datuak: Q191069
• Multimedia: Paleoclimatology / Q191069

Artikulu hau zirriborroa da. Wikipedia lagun dezakezu edukia osatuz.