Palmer Lurraldea

Wikipedia(e)tik
Hona jo: nabigazioa, Bilatu

Palmer Lurraldea ohiko ipar muga bezala Agassiz lurmuturra eta Jeremy lurmuturra lotzen dituen lerroa duen penintsula antartikoaren zatiak jasotzen duen izena da. Palmer Lurraldearen definizio hau 1964an adostu zuten Erresuma Batuko Antarctic Place-names Committee eta AEBetako Advisory Committee on Antarctic Namesen artean, non penintsula antartikoa iparraldeko Graham Lurraldea eta hegoaldeko Palmer Lurraldearen artean banatua izan zen. Urte horretara arte, bi herrialdeek bakoitzak euren izena (Graham eta Palmer) penintsula osoari ematen zioten.

2009 arte Antartikan Ikertzeko Batzorde Zientifikoak (SCAR) Palmer Lurraldearen eta penintsula antartikoaren hegoaldeko muga bezala Weddell itsasoan dageoen Bowman penintsulako Adams lurmuturra eta Eklund uharteetatik hegoaldera, 73º 24' hego latitudean eta 72º 00' mendebal longitudean dagoen English kostaldeko puntu baten arteko lerroa bezala definitzen du. Penintsularen azalera hobeto isladatzeko eta izenik gabeko eremu bat hartzeko, Palmer Lurraldea eta penintsula antartikoa 73º hego latitudean eta 80º mendebal longitudean dagoen Rydberg penintsula 76º 34' hego latitudean eta 75º 00' mendebal longitudean dagoen Evans izotz korrontearen lurrerako konexio lerroarekin lotzen duen lerrorarte hedatua izan zen, Ellsworth Lurraldearekin muga egiten duena.

Bellingshausen itsasoan, Palmer lurraldeko kostaldeak honako hauek dira iparraldetik hegoaldera: Rymill kostaldea eta English kostaldea. Weddell itsasoan, berriz, iparraldetik hegoaldera beste honako hauek daude: Wilkins kostaldea, Black kostaldea, Lassiter kostaldea, Orville kostaldea eta Zumberge kostaldea

Lurralde aldarrikapenak[aldatu | aldatu iturburu kodea]

Argentinak Palmer Lurraldea Suaren Lurraldea, Antartika eta Hego Atlantikoko Uharteak probintziako Argentinar Antartika departamendu barnean sartzen du, Txilerentzat Magallanes eta Txileko Antartika eskualdeko Txileko Antartikako Probintziako Antartika hiriaren zati da, eta Erresuma Batuarentzat Britainiar Antartikaren zati.

Herrialde aldarrikatzaileen izendapenak:

  • Argentinak penintsula osoa Tierra de San Martín deitzen du.
  • Txilek Tierra de O'Higgins
  • Erresuma Batuak Palmer Land

Historia[aldatu | aldatu iturburu kodea]

Bere izena Nathaniel Palmer estatubatuar kapitainak Hero itsasontzian 1820ko azaroan Decepción uhartetik hegoaldera dagoen penintsula antartikoaren eremua esploratu ondoren jaso zuen.

Commonsen badira fitxategi gehiago, gai hau dutenak: Palmer Lurraldea Aldatu lotura Wikidatan