Pancho Gonzales
Ricardo Alonso González, ezagunagoa Pancho Gonzales izenagatik (Los Angeles, Kalifornia, AEB, 1928ko maiatzaren 9a - Las Vegas, Nevada, AEB, 1995eko uztailaren 3a) estatubatuar tenislaria izan zen.
Biografia
Zortzi urte zituela hasi zen tenisean, bere kasa eta inork irakatsi gabe, eta Forest Hillseko (Estatu Batuak) lehiaketak irabazi zituen 1948 eta 1949an. Wimbledon eta Roland Garroseko binakako txapelketak ere irabazi zituen 1949an. 1969an (41 urte zituela, tenisa utziko zuela agindu eta handik zortzi urtera) inoiz egin izan den tenis-partida luzeena jokatu zuen (112 joko) Wimbledonen, Charles Pasarellen aurka. Gonzalesek irabazi zuen.
Erreferentziak
 |
Wikimedia Commonsen badira fitxategi gehiago, gai hau dutenak: Pancho Gonzales  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.